A Mariña, 4 de marzo de 2014.- O deputado do Grupo Popular e secretario do Parlamento de Galicia, Jose Manuel Balseiro quixo poñer en valor os preto de 100.000 euros que veñen de recibir da Xunta de Galicia cinco concellos da Mariña lucense para a contratación de persoal técnico que realice actividades de información e orientación de emprego.
Os beneficiarios son os concellos de Burela, Ribadeo, Cervo, Viveiro e Foz que puideron dispoñer dun orientador laboral en apoio dos seus veciños desempregados para asesoralos dun xeito especializado no camiño cara ao mercado laboral.
|
Entidade |
Importe 2013 |
| Concello de Cervo |
19.999,92 |
| Concello de Ribadeo |
19.500,00 |
| Concello de Viveiro |
20.000,00 |
| Concello de Burela |
20.000,00 |
| Concello de Foz |
19.973,52 |
|
99.473,44 |
Grazas ao apoio da Xunta os orientadores laborais dos concellos tamén exerceron outras funcións tales como a elaboración de diagnoses individualizadas sobre a situación de desemprego no seu ámbito de influencia, entrevistas personalizadas para desempregados, cursos e asesoramento en técnicas para manter ou accederen a un novo emprego. Tamén informaban sobre os incentivos para o fomento da contratación e o apoio ás iniciativas emprendedoras e mantiñan contactos coas empresas para difundir información sobre as súas iniciativas.
“En definitiva unha serie de apoios do Goberno galego para superar o principal reto das administracións públicas este martes: a creación de emprego. Este martes tamén coñecemos outros apoios do Goberno galego aos concellos da comarca”-dixo Balseiro.
PLAN XITANO E APOIO Á POBOACIÓN INMIGRANTE
O parlamentario popular tamén indicou que este mesmo martes coñecemos as axudas da Xunta para a posta en marcha dos programas desenvolvidos polos concellos para a inclusión social da poboación xitana, ou inmigrante e outras persoas en risco de exclusión
“Neste caso son dous os concellos beneficiarios destes apoios, xa que son aqueles municipios nos que se supera o 2,5 % de poboación inmigrante extracomunitaria ou de etnia xitana”.
Burela recibirá da Xunta 25.000 euros para o programa de apoio a emigrantes. E Viveiro, que recibirá 25.000 euros para este mesmo concepto e 33.000 máis para o programa de inclusión social da poboación xitana. Suman un total de 83.000 euros financiados con fondos procedentes da Xunta de Galicia e da Unión Europea
Con estas axudas promoveranse cursos de formación, accións informativas, asesoramento especializado en materia de estranxeiría, vivenda, integracións e mellora das condicións hixiénico-sanitarias.. entre outras.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
