Laranxas e transportistas volverán medir as súas forzas este mércores, por terceira vez no que vai de tempada –tras os dous enfrontamentos de liga-, na busca dun billete para a final da XXIII Copa Galicia. Vista Alegre acollerá o encontro de semifinais da cita copeira ás 20.30 horas.
O Burela FS Pescados Rubén recibe o compromiso galego comezando a parada de Primeira LNFS que o manterá afastado da liga, entre a Copa de España Logroño 2014 e a xornada de descanso, ata o 29 de marzo, na pista do Gran Canaria FS. Os mariñáns chegan con ganas de competición, sobre todo, despois do resultado adverso na pista do Montesinos Jumilla FS (6-2). “Despois dunha xornada coma a do sábado, o mellor para o equipo é volver competir canto antes. Será un partido moi motivador pola rivalidade que hai entre os dous equipos” explicaba Juanlu, que ve no duelo de Copa un encontro moi igualado. “Creo que será un partido máis igualado que o de liga que vivimos en Vista Alegre, con 4-1 para o Burela FS. O Azkar chega nun bo momento; antes de caer 7-1 na pista do FC Barcelona, conseguiu pleno de puntos con Zaragoza (4-2) e Manacor (1-4). Nós, porén,non estamos tan finos; nos últimos partidos vimos acusando as baixas de Hugo e Christian” reflexionaba o técnico laranxa.
Precisamente, o vestiario burelista seguirá sen poder dispoñer de Hugo, que pouco a pouco se incorpora á dinámica do grupo tras a intervención de menisco no mes de xaneiro, e Christian, en repouso dende hai un par de semanas por unha rotura parcial de ligamento colateral medial. Entrarán na convocatoria de Juanlu o xogador do Burela FS B Jorge Blanco, ‘Keko’, e o xuvenil Francisco García, ‘Pancho’.
O segundo protagonista da final decidirase entre o Cidade de Narón e o Santiago Futsal, que venceron en cuartos 4-2 ao Noia e 2-7 ao Pazos de Borbén, respectivamente.
Os socios/as laranxas terán mañá acceso gratuíto. Para os non socios o prezo das entradas será de 12 euros para adultos e 2 para menores de 18 anos; a venda anticipada estará aberta na sede do club burelista (avenida Arcadio Pardiñas, 91, baixo) ata mañá a mediodía.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Actuarán Carlos Ares, Celia Becks, Futuro Alcalde e Alcalá Norte, e o sábado será a quenda de La M.O.D.A., Ángel Stanich, Puño Dragón e Repion. López destacou o impacto económico do festival, cun retorno estimado dun millón de euros, mentres que Rouco subliñou a súa importancia turística e a achega municipal de 120.000 €.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
