O Presidente da Deputación, José Ramón Gómez Besteiro, xunto ó Deputado de Xestión Territorial, Manuel Martínez, e ó Deputado de Cooperación e Asistencia ós Concellos, Álvaro Santos Ramos, deu conta este mércores da posta en marcha dun plan pioneiro de mellora da rede viaria provincial, a máis extensa de España ó superar os 4.200 quilómetros, que permitirá acondicionar as estradas provinciais dos 67 Concellos e aforrar 3 millóns de euros á Deputación. Gómez Besteiro explicou que se estrea una nova fórmula de recuperación e defensa do público ó empregar os medios do Parque Móbil para a execución desta iniciativa. Coa optimización dos recursos, evítanse contratacións externas e redúcense de 18 a 15 millóns de euros a achega que fai a Deputación con fondos propios.
Preto de 30 operarios e 25 máquinas son os encargados de realizar o plan, que consiste no acondicionamento con rego asfáltico dos puntos quilométricos que o necesiten e na limpeza de cunetas. O dispositivo iniciou os traballos en Friol, onde está a actuar na LU-P-1611. Trátase do chamado Cinturón Comarcal, a estrada máis extensa da Deputación con case 130 quilómetros, que transcorren polo Concello friolés, Guntín, Castroverde, Castro de Rei, Cospeito, Begonte, O Corgo, Lugo, Outeiro de Rei e Pol.
Finalizados os traballos neste vial, o dispositivo continuará coa execución do plan ata completar a rede viaria provincial. Durante 11 meses, que é o prazo de execución desta iniciativa, os operarios e máquinas da Deputación desprazaranse progresivamente por todos os Concellos lugueses para acondicionar as estradas provinciais.
21 millóns de euros
A Deputación de Lugo investirá este ano na mellora de rede viaria provincial 21 millóns de euros, a suma do novo plan que potencia o servizo público da Deputación máis o de Conservación, dotado de 6 millóns de euros. Estas dúas programacións complementan outras actuacións do Goberno Provincial:
– Multiplicou por 10 o número de quilómetros con aglomerado en quente, e hoxe son 1.000 os que contan con este material.
– Sinalizou os 4.200 quilómetros da rede viaria provincial tras décadas de abandono.
– Colocou máis de 3.400 sinais (entre circulares, triangulares e stop).
– Un milleiro de paneis direccionais, para alertar da presenza de curvas perigosas.
– Máis de 400 balizas de neve, moi necesarias en estradas de alta montaña.
– Sinalizou mediante hitos quilométricos todas as estradas da rede provincial, coa súa denominación. En total, colocou máis de 4.000 unidades.
– Instalou 13.000 metros de barreiras de seguridade e máis de 4.700 metros de proteccións de seguridade para motoristas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
