Lourenzá, 13 de marzo de 2014. O Concello de Lourenzá tramita as solicitudes de prácticas formativas para mozos e mozas en empresas do estranxeiro, que convoca a Xunta de Galicia.
A concelleira de Educación, Lupe Flórez Seivane, anunciou que o Concello de Lourenzá, a través da Oficina Municipal de Información Xuvenil (OMIX) tramita “as axudas e as prazas para aquelas persoas xoves que queiran disfrutar dunhas prácticas formativas non remuneradas en empresas de calquera estado ou país do mundo durante 8 semanas. Estas prazas sácaas a Consellería de Traballo e Benestar, a través da Dirección Xeral de Xuventude e Voluntariado”.
Lupe Flórez engadiu que “os requisitos básicos que teñen que cumprir as persoas que estean interesadas en acceder a estas becas son ser galegos e estar empadroados en calquera concello de Galicia, ter entre 18 e 30 anos ao remate do prazo de presentación de solicitudes, ter algunha das titulacións que se requiren, como as de técnico de grao medio ou superior en Formación Profesional, de ensinanzas de artes plásticas e deseño, de ensinanzas deportivas ou ben calquera título universitario de grao ou equivalente. Esta titulación debe ser dos cinco últimos anos e estar acreditada e, por outra parte, debe coñecer a lingua do país de destino que elixa na súa solicitude”.
A edil explicou tamén que “os gastos que se subvencionan nestas axudas son a manutención, o aloxamento e todos aqueles materiais de primeira necesidade para a súa estancia no país de destino, así como a viaxe e o transporte para chegar e facer os desprazamentos de ida e volta. Todas estas solicitudes faranse a través dun formulario normalizado que está dispoñible na sede electrónica da Xunta de Galicia, a través da Dirección Xeral de Xuventude e Voluntariado. O prazo de inscrición remata o vindeiro 28 de marzo do ano en curso”.
Flórez Seivane comentou ademais que “a función básica da OMIX local, que presta axuda na tramitación destas becas, realizase en horario de mañá a través do técnico de emprego do Concello nas oficinas municipais e na sede da propia OMIX polas tardes, en horario de cinco a oito, a través da responsable local da mesma. A función básica dos dous técnicos municipais será a de asesorar e axudarlles a aqueles rapaces interesados a presentar a documentación e distintos requisitos que se precisan para poder ter acceso a unha destas 300 prazas ofertadas”.
A concelleira de Educación rematou explicando que “as axudas poden chegar ata os 2.400 euros e a convocatoria foi publicada no Diario Oficial de Galicia (DOG) do pasado 28 de febreiro”.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
