O Burela FS Pescados Rubén B desprazarase este domingo, na 22ª xornada de Terceira División, á pista do herculino 5Coruña FS coa ilusión de seguir sumando puntos para reducir distancias co liderado, a tan só 2 puntos. O encontro, entre dous equipos nos que prima a xuventude, comezará ás 12.30 horas no Barrio das Flores.
Dende a quinta praza, os laranxas teñen cinco grandes finais por diante para continuar na pelexa do podio; están empatados co cuarto, A Estrada FS (38 puntos), e teñen a terceira praza a 1 punto, nas mans do Concello de Vigo IES Coruxo; o cumio dirímese polo momento entre Leis Pontevedra FS e Santiago Futsal (40 puntos).
A primeira cita decisiva na recta final disputarase na cancha coruñesa, cun rival que dende a 12ª posición mantén moitas similitudes cos mariñáns. “Xogaremos contra un equipo tamén moi novo, que igual ca nós, mellorou na segunda volta. Presiona e defende ben, ofrece un xogo aberto e non sae a especular” definía o técnico burelista, Iván Cao ‘Lucas’. Segundo o preparador un dos hándicaps dos coruñeses é a finalización, algo no que tamén se mostraron certamente irregulares os laranxas ao longo da tempada. “Quen estea más acertado nos últimos metros levará o partido. Creo que se amosamos a seriedade dos últimos encontros teremos bastantes opcións de ser nós os dos tres puntos” concluía Lucas.
O vestiario do Burela FS B non poderá dispoñer de Bruno, que leva dúas semanas de repouso por reincidir nunha fisura do quinto metatarso, nin de Antón Couto, resentido na súa volta ás pistas, a semana pasada, da súa lesión de clavícula.
*Foto: A Caixa Escura Producións.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
