O Burela FS Pescados Rubén volveu recoller tres puntos na súa persecución polo cume da elite, impoñéndose na pista do pechacancelas AE Vallirana por 2-5. O conxunto mariñán durmirá líder de Primeira División RFEF, á espera do resultado de mañá entre o Atlético de Madrid Navalcarnero e o Cidade das Burgas (La Estación 12.00 horas).
Non dispuxeron do seu mellor día as laranxas en finalización, pero a súa experiencia e serenidade sobre a pista proporcionáronlles a actitude e orde necesarias para levar o control do encontro e atopar cos ocos da meta rival. Adiantou no minuto 5 a pichichi burelista, Peque, de penalti, e no 12, outra das grandes finalizadoras do Burela FS, Lidia Mesías, subiu o 0-2, culminando ao bordo do área unha xogada combinativa en cruzamento do esférico ao segundo pau. Intentárono as pupilas de Quico Otero, pero tiveron que conformarse coa vantaxe de dous tantos ao descanso.
As zapatillas goleadoras de Peque encontaron o 0-3, aos cinco de reiniciado o xogo tras o descanso; a 7 laranxa, en xogada individual, superou en velocidade a defensa catalá para cruzar o balón ante a porteira local. Dous minutos despois, o Vallirana, que non xerara apenas perigo ata o momento na pista galega, reduciu distancias; Carla anotou o 1-3 ao aproveitar unha perda burelista e quedar soa ante Patri. Roldando o ecuador da segunda parte, Lidia deulles unha nova alegría ás mariñás, en xogada de estratexia desde córner, e pouco despois Claudia ampliou distancias ao cortar un balón na presión local e bater a porteira catalá. Un novo contragolpe proporcionoulle o definitivo 2-5 a Vallirana, a catro minutos para o final, de Ana Martín.
Ficha técnica
AE Valirana: Carmen, María Martínez, Xenia, Marta Cabrera, Ana Martín, cinco inicial; tamén xogaron Marta Casas, Mireia, Desiré, Nerea, Ana Domingo e Carla
Burela FS Pescados Rubén: Patri, Peque, Bea Mateos, Claudia, Lara, cinco inicial; tamén xogaron Daniela, Silvia Rubal, Cris e Lidia
Goles: 0-1, minuto 5, Peque; 0-2, minuto 12, Lidia; 0-3, minuto 25, Peque; 1-3, minuto 27, Carla; 1-4, minuto 30, Lidia; 1-5, minuto 31, Claudia; 2-5, minuto 36, Ana Martín
Tarxetas: Por AE Vallirana amarela a Marta Cabrera e por Burela FS a Peque.
*Foto: Arquivo. A Caixa Escura Producións.
Actuarán Carlos Ares, Celia Becks, Futuro Alcalde e Alcalá Norte, e o sábado será a quenda de La M.O.D.A., Ángel Stanich, Puño Dragón e Repion. López destacou o impacto económico do festival, cun retorno estimado dun millón de euros, mentres que Rouco subliñou a súa importancia turística e a achega municipal de 120.000 €.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
Fixoo no marco do Campionato Galego de Coctelería celebrado no Hostal dos Reis Católicos.
