Ribadeo, 20 de marzo de 2014. Na pleno extraordinario e urxente celebrado este xoves aprobouse por unanimidade desestimar o recurso presentado pola Federación Gallega de la Construcción contra a licitación das obras da residencia de maiores. O alcalde, Fernando Suárez, dixo que foron moitas as empresas que solicitaron información sobre este proceso, aínda que ata o momento só unha presentou oferta formal. O prazo remata o vindeiro luns, 24 de marzo.
O rexedor explicou que “neste pleno extraordinario e urxente que tivemos a primeira hora da mañá teño que congratularme no meu nome e no de toda a Corporación Municipal porque de maneira unánime rexeitamos con contundencia esta alegación presentada por esta chamada Federación Gallega de la Construcción”. Suárez Barcia lembrou que “este colectivo presentou un recurso de reposición contra a licitación das obras da residencia. E rebatemos todo isto de xeito fundamentado. En esencia eles opoñíanse ao sistema de garantías, que son duras, recoñecemos que o sistema de garantías para o adxudicatario das obras é duro, pero si a empresa cumpre non deberá ter medo algún porque as garantías devólvense e non custa nada”.
No pleno argumentouse de novo a urxencia das obras: “esa urxencia existe e non está provocada polo Concello senón que está provocada por un financiamento alleo por parte da Deputación de Lugo, xa que temos que ter xustificada unha parte moi importante de diñeiro a finais deste ano. E tamén motivada pola tardanza que tivo a Xunta para dar luz verde á autorización para que puidéramos iniciar a licitación da obra”.
Fernando Suárez dixo que “agora o prazo de presentación de ofertas segue correndo e remata o vindeiro luns, 24 de marzo, queda o día de hoxe, mañá venres, o sábado e o luns. Tamén podo dicir que a esta hora do mediodía xa hai unha empresa que presentou a súa oferta formal” en engadiu que “eu non sei a quen quería defender esta tal Federación Gallega de la Construcción”.
O pleno tamén acordou modificar o erro aritmético do importe da garantía provisional. “Agora acéptase sen ive e antes puxerámolo con ive, pero é unha cousa menor e subsanable, un erro material do cal o pleno por unanimidade acordou corrixilo”, indicou o alcalde.
O rexedor subliñou que “a residencia por moito que lles pese a algúns vaise facer, vai ser unha realidade, a pesares dos paus nas rodas que algúns queiran poñer”.
Fernando Suárez manifestou que “rematando marzo, empezando a primavera, seguimos sen ter o convenio da Xunta polo cal se fagan realidade aqueles 500.000 euros que a Xunta por escrito se compromete a concederlle a Ribadeo, pero que aínda non efectivizou a través do correspondente convenio. Seguimos esperando e confiamos e desexamos desde a Corporación Municipal que nos chamen enseguida para proceder a firmar ese convenio e que o importe do que responsabiliza o Concello quede diminuído nesa cifra que a Xunta se comprometeu a aportar. Non temos porque dubidar da súa palabra, pero as palabras demóstranse con escritos, con documentos, con convenios… que é o que de momento nos falta”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
