Burela, 21 de marzo de 2014. O pleno extraordinario que se celebrará o vindeiro luns, 24 de marzo, ás 10 da mañá no Concello de Burela servirá para adaptar o documento do PXOM, aprobado provisionalmente en setembro, ao Plano de Ordenación do Litoral. O alcalde, José Mª González Barcia, considera que deste xeito gañará en seguridade xurídica e protexerá aínda máis o litoral.
O rexedor dixo que “para este vindeiro luns está prevista a celebración dun pleno extraordinario que ten coma finalidade a aprobación provisional de novo do PXOM de Burela, atendendo a unha orde ditada pola Secretaría Xeral de Urbanismo da Xunta, sobre as modificacións que hai que introducir neste documento”.
Ditas modificacións baséanse, segundo González Barcia, “case en exclusiva no cumprimento da normativa xerada a través da aprobación do Plano de Ordenación do Litoral. Hai que adoptar algunhas medidas nos aparcadoiros vinculados coas praias, algunhas medidas no que se refire ás grutas soterradas que hai na zona do Cantiño e incluso hai que adoptar algunha medida coa fachada marítima que se pretende crear na zona da Limosa, solo no que ata a aprobación do PXOM non se podía facer nada”.
O alcalde de Burela subliña que “son modificacións que non afectan ás ordenanzas de urbanización e construción incluídas no documento aprobado provisionalmente en setembro do ano pasado. Non afectan nin aos volumes nin ás superficies nin ás edificabilidades de ningunha das mazás de ordenación que aparecen no PXOM. E non afectan tampouco ás vivendas que no seu día se retiraron do catálogo de patrimonio”.
González Barcia dixo que “se trata de adaptar máis, aínda si cabe, o documento aprobado en setembro ao Plano de Ordenación do Litoral, pero ningún dos dereitos acadados polos veciños na aprobación provisional do PXOM se verá afectado. Nós entendemos que deste xeito o PXOM do noso Concello, a raíz da orde ditada pola Secretaría Xeral de Urbanismo o pasado 12 de marzo, gañará en seguridade xurídica e na protección do litoral e non se verá afectado ningún dos dereitos relativos a edificabilidade, volumes, ordenación urbanística das distintas zonas…”.
O rexedor burelés engadiu que “estamos xa na recta final da aprobación do PXOM de Burela, que eu agardo e confío que sexa en breve”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
