Lugo 10 de abril de 2014.- O Grupo Provincial do Partido Popular na Deputación de Lugo fixo público hoxe que a sentenza 254/2013, de data 30 de setembro de 2013, do Xulgado do Contencioso Administrativo nº1 de Lugo, acredita que a administración lucense de forma “clara e prolongada no tempo” desatendeu as súas obrigas de conservación da estrada C.P. 2601 de Xove a Portiño de Morás.
Os populares explican que o fallo xudicial estima a pretensión do demandante e revela, polo tanto, a responsabilidade patrimonial da Deputación Provincial de Lugo con motivo dun accidente de circulación ocorrido na estrada CP-2601, debido ao mal estado da vía. Os populares aclaran que este accidente se produciu a principios de 2011, catro anos despois de que o actual equipo da Deputación, presidido por José Ramón Gómez Besteiro, asumira as súas responsabilidades de goberno.
A sentenza 254/2013
En concreto, a sentenza estima que “concorren os presupostos e requisitos que fan surxir a responsabilidade patrimonial da Deputación Provincial de Lugo por canto, titular da estrada por onde circulaba o vehículo en cuestión, debería habela mantido nas debidas condicións de seguridade do tráfico poñendo remedio á deformación do pavimento que rexistraba a mesma, como se acredita polo informe ARENA da Garda Civil de Tráfico, xa que lle corresponde a súa vixilancia, conservación e reparación”
Deste xeito, na sentenza estímase o fallo “contra resolución do Sr. Presidente da Excma. Deputación Provincial de Lugo de data 15-9-2011, mediante a cal se desestima a reclamación formulada polo recorrente”. Así, ademais de que a Deputación debe indemnizar ao recurrente, o fallo tamén recolle “a imposición de costas á Administración demandada”.
A sentenza corrobora as críticas dos populares
A decisión xudicial corrobora as reiteradas críticas vertidas polos populares, que de forma constante se fixeron eco das reivindicacións dos alcaldes da provincia, trasladándose en múltiples ocasións ante a administración provincial por parte do Grupo Provincial do Partido Popular.
Que a Deputación Provincial de Lugo se convertese na que conserva en peor estado as estradas da súa titularidade, segundo explican dende o GPP, non vén motivado pola falta de orzamento. Dende o 2007 manxeron máis de 126 millóns de euros tanto para novas infraestruturas como para reparacións.
Así, os populares consideran evidente que se está ante unha falta de vontade ou mal emprego do diñeiro dos lucenses. “O que está claro é que se trata dunha xestón improdutiva”, matizaron dende o GPP, e probablemente, cunha pretensión de priorizar obras de repercusión mediática, esquecéndose das labores mínimas de conservación.
Actitude partidista
Os populares veñen de ter acceso onte á sentenza 254/2013 do 30 de setembro de 2013 , a pesar de ter solicitado o seu acceso dende o 3 de xaneiro, ao darse conta na Xunta de Goberno desta mesma data
Os populares matizan que a sentenza se refire a unha vía que trascorre por un municipio do PP. Dende o GPP en reiteradas ocasións denunciaron “o sectarismo político de Besteiro á hora de priorizar os acometidos nas estradas”.
Neste senso, os populares reivindican que o plan que se vén de aprobar “garanta os principios de transparencia e de non discriminación; guiándose polos verdadeiros criterios de necesidade”.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
