A Mariña, 11 de abril de 2014. As xornadas de análise e proposta de alternativas que o BNG organiza o vindeiro sábado en Mondoñedo, estarán inevitablemente marcadas polo anuncio de aprobación do anteproxecto da reforma da Lei Orgánica do Poder Xudicial no Consello de Ministros da semana pasada.
Nestas xornadas que a formación nacionalista organiza para contrastar coa cidadanía a situación actual dos servizos públicos e o papel da UE para o noso País, así como das posibilidades de actuación desde os concellos; participarán, entre outras persoas, a deputada nacionalista Montse Prado; o alcalde de Allariz, Francisco García e a eurodeputada e candidata do BNG ao Parlamento Europeo, Ana Miranda. Será a partir das 10:30h. no salón de actos do centro comarcal de Mondoñedo.
As xornadas comezarán cun bloque sobre servizos públicos: educación, sanidade e servizos sociais. A partir das 12h, intervirán o profesor da USC, Bernardo Valdés e Ana Miranda a respecto do impacto da UE en Galiza e a necesidade de políticas propias como alternativa. A partir das 13h., a reforma da Administración local situará o debate na centralización de servizos que supón esta lei para os concellos. Para o BNG “esta nova normativa pretende impor un funcionamento centralizado dos servizos, impedindo que os concellos poidan prestar importantes servizos e creando cidadás de primeira e segunda categoría en función de onde vivan. Con esta reforma, iníciase un proceso de alonxamento de servizos da xente, comezando polos servizos que prestan os concellos; pero esta idea está tamén na reforma da LOPX retomada a semana pasada, tras ter sido paralizada polo masivo rexeitamento que produciu no seu momento.”
Segundo o BNG, “que saia adiante esta modificación, coa creación dos Tribunais Provinciais de Instancia, deixando os actuais partidos xudiciais como meras oficinas ou sedes desprazadas, pode supor outro golpe mortal para a nosa comarca. Os partidos xudiciais de Viveiro e Mondoñedo desaparecerían como tal e desaparece a posibilidade de contar cun novo partido xudicial en Ribadeo, tal e como se ten demandado unanimemente en numerosas ocasións.”
Para os nacionalistas, “este é un paso máis deste goberno para dificultar o acceso aos servizos das persoas en función do lugar onde vivan. Pretenden alonxar todos os servizos e facer das capitais de provincia o centro para todo, obrigando ás veciñas e veciños da Mariña a desprazarse a Lugo para xestións que ata agora se podían realizar na comarca. Estámolo vendo coa sanidade, con servizos como facenda e agora tamén cos xulgados.”
Desde o BNG convidan a asistir a calquera persoa interesada nos asuntos a tratar, así como a participar nos debates que terán lugar a respecto dos distintos temas.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
