Madrid, 16 de abril de 2014.- O senador do PSOE por Lugo e Secretario da Comisión de Emprego, Ricardo Varela, reclamou ó Goberno na Cámara Alta, entre outras medidas, que derogue os artigos da Reforma Laboral que causaron a brutal caída dos salarios en España. Tamén solicitou a eliminación dos artigos que inciden en desequilibrar a negociación colectiva en favor das empresas e que actualice o Salario Mínimo Interprofesional de acordo coa Carta Social Europea. O que suporía un salario mínimo de 900 €.
Varela denunciou que a Reforma Laboral do Goberno tiña como obxectivo principal desencadear unha caída salarial, en base ás decisións unilaterais das empresas, e á debilidade negociadora dos sindicatos. O parlamentario do PSOE deu datos de como en dous anos de Goberno de Mariano Rajoy, os salarios caeron un 9% e as rendas salariais trasvasaron miles de millóns de euros ás rendas empresariais.
A continuación, subliñou que o exceso de horas extraordinarias de traballo sobre as reglamentariamente permitidas está supoñendo un impedimento para a creación de emprego e indicou que semanalmente se realizan máis de once millóns de horas de traballo ilegais, o que suporía a creación de 326.838 empregos.
Ricardo Varela asegurou que a Reforma Laboral propiciou unha devaluación de parte da nosa economía e aclarou que a devaluación dos salarios é unha devaluación selectiva e inxusta que castiga ás familias de salarios medios baixos.
A moción socialista tamén propoñía eliminar a prolongación da xornada laboral nos contratos a tempo parcial máis alá do previsto no pacto de horas complementarias, posto que coa regulación actual se fai imposible o control deste tipo de contratos o que permite a realización de horas máis alá do regulado e, en gran medida, non pagadas.
Finalmente, a proposta do PSOE establece reclamar ó Goberno que incremente o control da duración da xornada en todos os empregos, dado que se produciu un aumento das horas non pagadas e actualizar o Salario Mínimo Interprofesional de acordo cos criterios fixados pola Carta Social Europea.
Na exposición de motivos da iniciativa socialista, Ricardo Varela destacou que, despois de dous anos de Goberno do Partido Popular, o paro incrementouse nun millón máis de persoas pese a que o Executivo pretenda convencer ós cidadáns de que os novos datos do paro son unha das claves do éxito da política económica do Goberno.
Varela apuntou que a Reforma Laboral provocou dous graves efectos perversos no mercado de traballo. En primeiro lugar, foi responsable da maior pérdida de emprego asalariado que se produciu nun bienio (2011-2013) con 1,4 millóns de empregos e produciu a maior caída do emprego estable cunha destrucción de 777.2000 traballos.
Ademais, a Reforma Laboral rompeu o equilibrio na negociación colectiva favorecendo a posición das patronais, o que supuxo a maior pérdida de capacidade adquisitiva dos asalariados que se produciu nunca. “Esta pérdida salarial, matizou, ocasiona una restricción del consumo interno que imposibilita una salida de crisis”.
O senador galego criticou que a Ministra Fátima Báñez destrozara o modelo de relacións laborais, xere brutais desequilibrios no proceso negociador e se permita, ademais, pedir ás grandes compañías “sensibilidad y flexibilidad” á hora de aplicar a Reforma Laboral “para evitar despidos”. “Lo cierto es que las empresas no han hecho otra cosa que lo que el Gobierno les ha facilitado: despedir y rebajar salarios”, engadiu o parlamentario socialista.
Ricardo Varela afirmou que unha vez que o Goberno defende o axuste salarial e conxuntural, recoñece que este axuste formaba parte dos seus objetivos da reforma Laboral. Neste punto, pregúntase “de qué instrumentos piensa dotarse para que el ajuste salarial, que califica de coyuntural, no se convierta en estructural” e “dónde está el límite de la política de devaluación, que por no poder ser monetaria en un marco de moneda única, se ha cifrado en exclusiva en las rentas salariales”.
Varela fixo fincapé nos desequilibrios que provocou a Reforma Laboral e sostivo que nos últimos tempos as rendas salariais caera en 44.000 millóns de euros, ó tempo que os excedentes empresariais medraron en 18.000 millóns de euros e mostrou a súa preocupación polo incremento das horas extraordinarias e, de maneira especial, das non cobradas.
O senador lamentou que “nuestro modelo económico para la salida de la crisis sea el del desequilibrio en el reparto de la riqueza del país, a diferencia de lo que se hace en otros países de nuestro entorno, también gobernados por la derecha. Esto revela que nuestra derecha es una derecha radical e injusta que hace que la carga de la crisis sea soportada por aquellos que están en su origen”.
Ricardo Varela concluíu lamentando que o Goberno adopta as decisións referidas ós recortes e as restriccións dos dereitos con moita “discreción” e sen dar explicacións e, neste sentido, puxo como exemplo a conxelación para 2014 do Salario Mínimo Interprofesional.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
