BURELA .-A rota cicloturista de A Mariña que se celebra o sábado recorrerá 95 quilómetros polos concellos de Foz , Valadouro , Viveiro , Ourol e Burela. Os organizadores explican que “este percorrido pódese considerar de dureza Medio-Alta, xa que se subirán 3 portos de montaña”. Partirá do pavillón dos institutos de Burela ás tres e media da tarde
Nota de Prensa
O vindeiro sábado dia 11 de xullo , celebrarase a XIV Rota cicloturista da Mariña. Esta Rota terá a saída do pavillón dos institutos as 15:30 horas e ao longo dos 95 km. de percorrido pasará polos concellos de Foz , Valadouro , Viveiro , Ourol e Burela ; este percorrido pódese considerar de dureza Medio-Alta , xa que se subirán 3 portos de montaña entre os que destacan o de Vilacampa que se subirá dúas veces , a primeira dende Ferreira e a segunda dende Chavín e como remate subirase o alto da Area recreativa de Monte Castelo en Burela onde se pasará de 30 m. sobre o nivel do mar hasta os 350 m. en tan solo 3.5km. o que supón un desnivel moi importante , polo que se aconsella un desarrollo de 39 – 28.
Este ano faremos un percorrido alternativo que partirá da estrada que une as localidades de As Lobeiras e Caxoto é cun percorrido de 4 km. sae ao alto de San Andrés de Boimente , por esta estrada iran os ciclistas que acumulen máis retardo no percorrido e servirá para suavizar un pouco a dureza do mesmo xa que non soio se libran da subida de San Andrés , senón que se acurta en 15 km. o total da marcha.
Esperamos que como en anos anteriores participen ciclistas de toda a Comunidade Autónoma así como de Asturias , León e mesmo de Madrid xa que coincide con época de vacacións e sempre participaron ciclistas da capital do Estado , ademais , este ano esta Rota é puntuable pa Copa Galega de Cicloturismo.
Na Rota poden participar ciclistas maiores de 15 anos que teñan licencia federativa , si non a posúen poderán sacar a de un dia e participar na Marcha , durante a mesma poñeremos o servizo dos ciclistas os avituallamentos sólidos e líquidos necesarios para satisfacer as súas necesidades así como a regulación de tódolos cruces con persoal do propio Club e de Protección Civil do Concello así como a cobertura da Garda Civil de Tráfico e Policia Local de Burela.
O remate da Marcha , os ciclistas disporán de duchas e de unha comida para repoñer as forzas gastadas neste duro percorrido , así mesmo entregaranse recordos a tódolos participantes así como os clubes máis numerosos , máis lonxano , o participante de máis idade e a tódalas participantes femininas polo que animamos a tódolos/as afeccionados o ciclismo que participen e que terán un bonito recordo.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
