FOZ .- A asociación de veciños O Castro de Foz acepta o trazado da autovía de San Cibrao a Barreiros coa opción presentada polo Ministerio de Fomento. Desde O Castro aseguran “que esta é unha infraestrutura necesaria, case que imprescindible, para a comarca de A Mariña” e indican que “debemos analizar o impacto da construción desta autovía non desde un punto de vista individual, senón desde un punto de vista máis colectivo, debendo nalgúns casos sacrificar o interese particular en beneficio do interese xeral”.
A asociación de veciños O Castro de Foz recorda “a todos os veciños que o prazo para formular alegacións ó proxecto e ó informe de impacto ambiental finalizará o vindeiro martes 28 de xullo”.
NOTA DE PRENSA
A Asociación de Veciños “O Castro” de Foz mostra a súa conformidade co trazado da Autovía San Cibrao-Barreiros presentado
Desde a Asociación de Veciños “O Castro” de Foz queremos facer público o noso acordo coa opción presentada polo Ministerio de Fomento sobre o trazado da autovía San Cibrao-Barreiros publicado recentemente. Entendemos que esta é unha infraestrutura necesaria, case que imprescindible, para a comarca de A Mariña en xeral e para o concello de Foz en particular, xa que poderá permitir o desenvolvemento industrial, comercial e turístico da zona, pero tamén facilitará a vida diaria dos que habitamos aquí de forma habitual xa que a construción desta autovía dotará de maior seguridade ós desprazamentos que por traballo ou por ocio debemos facer. Así pois, debemos analizar o impacto da construción desta autovía non desde un punto de vista individual, senón desde un punto de vista máis colectivo, debendo nalgúns casos (mínimos no Concello de Foz) sacrificar o interese particular en beneficio do interese xeral.
Recordamos a todos os veciños que o prazo para formular alegacións ó proxecto e ó informe de impacto ambiental finalizará o vindeiro martes 28 de xullo, debendo presentar os seus escritos no rexistro do Concello de Foz ou das formas legalmente establecidas. Para facilitar esta labor, estará a disposición de todos os interesados unha copia completa do proxecto e informe no local da Asociación, situado na Casa do Mar. Para calquera consulta, poderase acudir a dito local no horario habitual de apertura , ou dirixíndose a calquera dos membros da Xunta Directiva ou no enderezo electrónico avcastrodefoz@concellodefoz.org.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
Os senadores do PP por Lugo, José Manuel Barreiro, José Manuel Balseiro e Juan Serrano, xunto co portavoz de Interior do Grupo Parlamentario Popular no Senado, Luis Santamaría, mantiveron unha reunión no Senado con representantes da Asociación Española de Gardias Civís na provincia de Lugo, que lles trasladaron as principais reivindicacións do colectivo e analizaron os problemas e necesidades que afectan á Garda Civil na provincia.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
