Pensamento e Sementeira, membro da Federación de Cineclubes de Galicia

O Colectivo PENSAMENTO E SEMENTEIRA vén de ser admitido como membro da Federación de Cineclubes de Galicia na súa última Asemblea Xeral celebrada na cidade de Ourense. O Colectivo viveirense, que organizou xa varias actividades como cineclube, programará novas proxeccións cinematográficas en Viveiro nos vindeiros meses, agora xa como membro desta Federación. Por outra banda, o Colectivo informa que o vindeiro sábado 7 de xuño, ás 20:30 horas, organizará no Teatro Pastor Díaz o concerto homenaxe a Miro Casabella, “Por ceibar a voz”, que contará ademais coa presencia do homenaxeado.