O alcalde, José Mª González Barcia, e a concelleirade Servizos Sociais, Diana Durán, ofreceron este xoves unha recepción este mediodía no Concello ás Batukadeiras Nos Herança. Segundo lembrou Diana Durán “trátase dun grupo de música caboverdiano que chegou hai uns días a Burela para celebrar coa comunidade asentada no noso municipio as festas patronais”. Na recepción houbo intercambios de agasallos e Nos HeranÇa batukou e adicóulle unha peza ao Concello burelés e á asociación Batuko Tabanka. A continuación na Casa da Cultura tivo lugar a inauguración da exposición titulada Galicia-Cabo Verde: Unha Irmandade, unha mostra que ensina parte dos proxectos de cooperación realizados polo Fondo Galego de Cooperación e Solidariedade nas illas de Cabo Verde. A exposición está formada por 20 paneis a toda cor, con algunhas das fotografías máis significativas de Rober Amado, gañador da primeira edición do concurso fotográfico Imaxes con Fondo.
Recepción das Batukadeiras Nos Herança
Relacionado
-
O Concello de Vilalba presentou a programación dos días infantís das festas de San Ramón e Santa María, que se celebrarán o 2 e 3 de setembro na Praza da Constitución
-
A conselleira de Vivenda e Planificación de Infraestruturas, María Martínez Allegue, acompañada polo delegado territorial da Xunta en Lugo, Alfonso Villares, mantivo hoxe unha reunión de traballo co alcalde de Xove, Demetrio Salgueiro
-
En Cervo Concilia xa están en Modo Maruxaina ON
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
