O Colectivo Cultural Buril renuncia á subvención nominativa concedida polo Concello de Burela para o presente ano.
O Buril non asistirá ao asinado do Convenio que terá lugar esta tarde na Casa do Concello, polos motivos que se indican a seguir e que en todo caso nada teñen a ver co importe da contía económica concedida:
1. Entendemos que as subvencións públicas deben ser concedidas en base a uns criterios transparentes e deben garantir a libre concorrencia e a igualdade de condicións para todas as entidades asociativas da vila. Neste sentido, manifestamos o noso total desacordo con que se concedan exclusivamente e con carácter xeral, subvencións de carácter nominativo, sen que se coñezan os criterios polos que se conceden estas axudas e sen que haxa unhas bases públicas que rexan o proceso.
2. En 2013 o Concello de Burela concedeu con carácter extraordinario e de xeito discrecional, subvencións a distintas entidades de Burela, ficando o noso colectivo fóra das axudas concedidas. O Buril e outras asociacións de Burela, solicitamos en data 6 de novembro, unha reunión ao Alcalde para coñecer os motivos polos que fomos excluídos das axudas. A día de hoxe, aínda non fomos recebidosnin se nos comunicou nada a este respeito.
3. O Buril ten aportado máis de 100 € polo uso de instalacións municipais para a realización de distintas actividades durante os dous últimos anos, tendo documentos xustificativos que así o acreditan. Manifestamos, como xa o fixemos no seu día nas reunións que mantivemos coa Alcaldía e coa Delegación de Cultura, o noso total rexeitamento a que as asociacións que desenvolvemos a nosa actividade en Burela con fins non lucrativos, teñamos que pagar taxas polo uso de instalacións municipais, que xa sufragamos todos os veciños e veciñas cos nosos impostos. A este respeito, demandamos unha modificación da Ordenanza fiscal Nº 23 reguladora da taxa pola ocupación de edificios ou dependencias propiedade deste concello.
4. Polos motivos arriba indicados, o Colectivo Cultural Buril presenta a súa renuncia á axuda concedida polo Concello por importe de 500 € en base ao exercicio orzamentario 2014, co desexo de que esta cantidade de diñeiro sexa destinada a fins sociais.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
