Lugo, 5 de xuño de 2014.- O Grupo Provincial do Partido Popular presentará un rogo na Deputación a través do que instará ao presidente José Ramón Gómez Besteiro a que axilice os trámites necesarios para que se inicien en tempo os traballos de desbroce das estradas de titularidade provincial.
Os populares explican que a día de hoxe non lles consta que o equipo de goberno da Deputación adxudicase para esta anualidade a contratación das obras de desbroce da maleza, polo que a través deste escrito, “procuraremos coñecer a situación na que se atopan estes trámites a maiores de evidenciar a necesidade de que se mellore a xestión dos desbroces”.
Antecedentes
Dende o GPP consideran que se está no mes de xuño, polo que é necesario axilizar os desbroces e que na época de maior risco de incendios “os labores de limpeza das estradas sexan unha realidade”.
Á vista dos feitos, os populares sospeitan que un ano máis estes traballos se realizarán de novo “tarde e mal”. Así, lembran que incluso en outubro do ano pasado o Grupo Provincial do Partido Popular se veu obrigado a presentar unha pregunta en pleno xa que “a esas alturas do ano, moitos alcaldes seguían a reclamar os desbroces da maleza en pistas de titularidade provincial”.
Para os populares debese evitar que tal e como ten acontecido en pasadas anualidades os debroces se adxudiquen xa entrado o mes de xullo, “tempo no que xa terían que estar iniciados os traballos”. A maiores, dende o GPP tamén lembran a actuación de Gómez Besteiro na pasada anualidade, quen “anunciou os desbroces, sen ter feitos os trámites necesarios para que estes anuncios se fixesen realidade”.
Polo tanto, dende o GPP fanse de novo eco das declaracións do deputado provincial Manuel Martínez, quen en 2008 aseguraba que o desbroce é un dos aspectos que “queremos mellorar” ao tempo que recoñecía fallos e engadía que se “se volven a repetir entón si que terei que tomar outras medidas ou incluso dimitir. A política é así”.
Ante isto, os populares lémbranlle aos socialistas que o traballo de desbroces segue a ser un aspecto que “deben de mellorar” e, polo tanto, “pedímoslles que axilicen os trámites necesarios”.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
