Vista Alegre gozará do XX Copa de España de Fútbol Sala Feminino durante este fin de semana, 7 e 8 de xuño, na que se reúnen os catro mellores equipos da Primeira División cun único obxectivo. Conquistar a Copa 2014. O sorteo deparou que o vixente campión e anfitrión, o Burela FS Pescados Rubén se enfronte ao actual campión de Liga, Atlético de Madrid Navalcarnero, mentres que o Universidade de Alacante medirá á AD Alcorcón FSF. Dúas semifinais de alto nivel que farán as delicias dos espectadores que acudan ao feudo laranxa. Emisión en directo por Internet. A competición pódese seguir vía streaming a través da web do Burela FS Pescados Rubén, www.burelafs.org , grazas á inestimable colaboración de Pasión Media Comunicación www.Pasionmc.com. Óscar Arcones, redactor da web Mundosala será o narrador e estará acompañado pola polifacética xornalista, Alba Adá, de Futsal Cope Radio. Víctor Durán, de Pasión Media Comunicación, sera o operador de cámara.
Coche Oficial da Copa de España
Peugeot será o vehículo oficial da Copa de España por xentileza de Peugeot Pomeda, taller con servizo oficial da marca na Mariña Lucense. Serafín Fraga Otero, xerente, e Vicente Fraga Otero, xefe de vendas fixeron entrega de 2 Peugeot 308, elixido mellor coche do ano 2014, á organización para o seu uso durante a Copa de España.
Entradas Copa de España. Venda no pavillón Vista Alegre de Burela a partir das 15.30 horas. Bono para os tres partidos: Infantil (0-16 anos): 3 euros Adulto ( 16 anos): 10 euros. Entrada para a final: 5 euros. Medalla de Ouro. O Concello de Burela impoñerá a Medalla de Ouro do Concello ao Burela FS Pescados Rubén polos méritos deportivos logrados durante a tempada 2012/2014, en especial pola consecución do histórico doblete de Liga e Copa do equipo feminino. O acto celébrase mañá sábado día 7, ás 12.30 horas, no Auditorio Municipal de Burela.
Fútbol Sala na rúa
Na praza da Mariña, á beira da Casa da Cultura de Burela, desenvolveranse diferentes actividades relacionadas co Fútbol Sala , fútbol 3×3, portería hinchable, futbolín, etc…
Competición
Os horarios de competición son os seguintes:
Sábado 7 de xuño
Semifinal 1: AD Alcorcón FSF – CD Universidade de Alacante
Hora: 16.30 Pabellón: Vista Alegre de Burela
Semifinal 2: Burela Pescados Rubén – Atlético de Madrid Navalcarnero
Hora: 18.30 Pabellón: Vista Alegre de Burela
Domingo 8 de xuño
Final: Ganador semifinal 1 – Ganador semifinal 2
Hora: 12.00 Pabellón: Vista Alegre de Burela
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
