A segunda semifinal da XX Copa de España Burela 2014 deparou un duelo espectacular entre dous equipazos. Burela Pescados Rubén e Atlético de Madrid ofreceron un espectáculo deportivo digno de ver e que grazas a Pasión Media Comunicación puido seguirse en directo vía streaming. Finalmente, o Atlético de Madrid conseguiu o seu pase á gran final tras vencer, prórroga incluída, por 3-5 a un Burela Pescados Rubén que se deixou a alma no seu obxectivo de chegar á final.
O choque resultou vibrante desde o pitido inicial, con ambas escadras querendo dominar e unha intensidade que foi aumentando co transcorrer do os minutos. O primeiro en golpear foi o Atlético de Madrid, Leti sorprendeu cunha falta directa para situar o 0-1, pero a reacción laranxa non se fixo esperar por mediación de Claudia (1-1) e máxima intensidade en Vista Alegre. O empate deu paso ós mellores minutos dun Burela Pescados Rubén aínda que non puido irse con vantaxe ao descanso ao que se chegou con 1-1. No segundo capítulo, a película comezou a tinguirse de laranxa e aínda que as de Quico Otero non aproveitaron a superioridade, trala expulsión de Leti por dobre amonestación, lograron bater a Belén en dúas ocasións. Bea Mateos fusilou á meta madrileña (2-1) cun potente disparo e Daniela culminou unha contra guiada por Lidia para marcar o 3-1, minuto 32. Con esta renda as mariñás recolleron os froitos ao seu dominio, pero emerxeu a figura de Ju Delgado no partido e igualaron a contenda con dous goles, chegando ó empate (3-3) cando Vista Alegre acariñaba a final.
Prórroga
No tempo extra, o cansazo na pista era evidente debido ao esforzo e a intensidade dos corenta minutos. O Burela Pescados Rubén intentaba repoñerse do varapau do empate aínda que as colchoneiras apertaron e de novo a brasileira, Ju Delgado, danou a nave mariñá. Tras unha acción individual brillante disparou á madeira e o rexeite aproveitouno Rocío Sevilla para remontar o choque (3-4). A dous segundo do primeiro tempo extra, Lara dispuxo da ocasión para empatar, pero o seu lanzamento desde o doblepenalti foi rexeitado por Belén. Na segunda parte, o Burela Pescados Rubén queimou as naves e as forzas que lle quedaban para empatar, ata con Claudia de porteira xogadora, pero Anita Luján selou a vitoria e o pase á final marcando o definitivo 3-5.
José Venancio López
O seleccionador absoluto da selección española estará presente na final da XX Copa de España que deparará unha final madrileña entre AD Alcorcón e Atlético de Madrid Navalcarnero que se disputa en Vista Alegre este domingo 8 de xuño ás 12.00 horas e que se poderá seguir en directo en streaming en www.burelafs.org con Pasión Media Comunicación.
Ficha técnica
Burela Pescados Rubén: Jozi, Claudia, Bea Mateos, Daniela, Peque -cinco inicial- Maite, Lara, Lidia.
Atlético de Madrid: Belén, Ju Delgado, Leti, Anita Luján, Cristina -cinco inicial- Natalia, Rosana, Rocío Sevilla.
Goles: 0-1, m.4, Leti; 1-1, m.9, Claudia; 2-1, m.26, Bea Mateos; 3-1, m.32, Daniela; 3-2, m.34, Ju Delgado; 3-3, m.39, Ju Delgado; 3-4, m.45, Rocío Sevilla.
Árbitros: Martínez Torres e Sierra Márquez de Pontevedra. Tarxeta amarela no Burela a Peque, Claudia, Lidia. No Atlético a Leti, dobre amarela, expulsada minuto 23, amarela a Ju Delgado, Rosana.
Incidencias: Segunda semifinal da XX Copa de España Burela 2014 disputada no pavillón Vista Alegre. 900 espectadores. Gardouse un minuto de silencio en memoria de Félix Aranda, fundador e vicepresidente do Atlético de Madrid, recentemente falecido.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
