A Vicepresidenta Segunda, Lara Méndez López, xunto á Deputada de Medio Ambiente e Enerxías Renovables, Sonsoles López Izquierdo, avanzou este mércores a posta en marcha da segunda edición do Campus de Emprendemento Sostible. Trátase da programación que ofrece formación gratuíta a 120 emprendedores para a creación de novos negocios nos 29 Concellos que integran as Reservas da Biosfera Terras do Miño e Os Ancares Lucenses. O prazo de inscrición xa está aberto en www.deputacionlugo.org ou no 982-22-78-12. “Este proxecto enmárcase na nosa aposta pola cultura emprendedora como saída laboral, pois impulsará novas empresas no rural, creando postos de emprego e combatendo o despoboamento demográfico” subliñou Méndez.
O II Campus de Emprendemento Sostible arranca con 6 obradoiros, con 20 prazas cada un, que terán lugar na cidade de Lugo e en Cervantes. Inclúen formación, visitas a empresas consolidadas e asesoramento personalizado. Existen dúas modalidades, segundo o perfil do emprendedor:
Campus de motivación e xeración de ideas: dirixido a aquelas persoas que estean a valorar a posibilidade de emprender. Explicaranse os principais elementos a ter en conta á hora de crear unha empresa e os instrumentos que contribúen a unha boa idea empresarial, como as oportunidade de negocio. As datas, horarios e lugares de celebración dos 3 obradoiros desta modalidade son as seguintes:
– Centro de Interpretación Terras do Miño: 23-26 de xuño. De 10:00 a 14:00 horas.
– Os Ancares-Cervantes: 7-10 de xullo. De 16:00 a 20:00 horas.
– Centro de Interpretación Terras do Miño: 14-17 de xullo. De 16:00 a 20:00 horas.
Campus de maduración da idea empresarial: dirixido a aquelas persoas que xa teñan máis avanzada a súa idea de negocio. Traballarase a viabilidade comercial, técnica, legal, medioambiental e económico-financeira. As datas, horarios e lugares de celebración dos 3 obradoiros desta modalidade son as seguintes:
– Centro de Interpretación Terras do Miño: 1-4 de setembro. De 10:00 a 14:00 horas.
– Os Ancares-Cervantes: 8-11 de setembro. De 16:00 horas a 20:00 horas.
– Centro de Interpretación Terras do Miño: 15-18 de setembro. De 16:00 a 20:00 horas.
Finalizado o Campus, haberá titorías nas que se prestará asesoramento personalizado, coas que continuar o traballo iniciado e poñer en marcha as ideas emprendedoras.
Primeiras 7 empresas
A Vicepresidenta e a Deputada fixeron este anuncio durante o encontro que mantiveron cun dos participantes na primeira edición do Campus de Emprendemento Sostible. Trátase de Laura Santalla Castro, unha moza lucense que estaba no paro e abriu a empresa PK3 tras participar no Campus. É unha consultoría de obra civil, na que polo de agora traballan 2 persoas. Con esta entidade, son 7 en total as primeiras empresas creadas coa anterior convocatoria deste programa. Os seus sectores son os seguintes: agricultura ecolóxica, gandeiría ecolóxica, educación ambiental, turismo rural, ecoagroturismo e produción artesanal. Hai en marcha dende unha granxa de abellas, unha cantina e ata unha zoqueira. No I Campus, houbo 4 obradoiros en Terras do Miño e nos Ancares, nos que participaron 48 persoas. Na súa maioría, foron mozos de entre 26 e 35 anos, con estudos universitarios.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
Os senadores do PP por Lugo, José Manuel Barreiro, José Manuel Balseiro e Juan Serrano, xunto co portavoz de Interior do Grupo Parlamentario Popular no Senado, Luis Santamaría, mantiveron unha reunión no Senado con representantes da Asociación Española de Gardias Civís na provincia de Lugo, que lles trasladaron as principais reivindicacións do colectivo e analizaron os problemas e necesidades que afectan á Garda Civil na provincia.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
