A Vicepresidenta Segunda, Lara Méndez, acompañada polo Director de Fondos Europeos da Deputación, Pablo Rivera, presentou hoxe o 1º Seminario sobre o Goberno Aberto da provincia de Lugo, que acollerá a Deputación de Lugo entre os días 18 e 20 de xuño. Este seminario contará coa presenza de destacados expertos en xestión pública, goberno aberto e novas tecnoloxías, que abordarán temas coma os avances logrados coas TIC na acción de goberno ou a posta en marcha de políticas de goberno aberto orientadas á mellora do benestar da cidadanía.
Lara Méndez destacou que a Deputación de Lugo, “pioneira en abrir á xestión do goberno á cidadanía, leva tempo traballando en prol da participación cidadá para mellorar a calidade democrática e a transparencia da institución”. De feito, a de Lugo é a primeira deputación española en contar cuns presupostos participativos, ademais de poñer en marcha outras iniciativas coma un portal dixital de información entre Concellos e Deputación ou a separación dos políticos das mesas de contratación, entre outras. “Este é un compromiso firme, un camiño en retorno. Como sempre dixemos, a democracia representativa ten que facerse democracia participativa”.
Segundo subliñou a Vicepresidenta, este seminario permitirá abrir un amplo debate sobre temas coma as políticas orientadas ó goberno aberto e seu grao de desenvolvemento na provincia de Lugo; analizar as posibilidades que ofrecen as TIC para o deseño e posta en marcha de políticas públicas, ou o papel do cidadán na planificación e execución dos servizos públicos. De feito, “é fundamental dar voz ós veciños para que coñezan cal é o funcionamento e cales os servizos que prestan as administracións, que proxectos desenvolven e onde se invisten os cartos.
A cidadanía ten que ter un papel clave no deseño da folla de ruta da administración, no establecemento das nosas prioridades”, sentenciou Méndez.
O seminario Goberno aberto na provincia de Lugo creará un espazo para o achegamento e o debate entre responsables políticos, cidadáns e empregados públicos, acerca do fenómeno da difusión das tecnoloxías da información e a comunicación dos gobernos e a cidadanía, atendendo especialmente ó ámbito local.
Programación das xornadas
Pola súa banda, Pablo Rivera destacou que serán ata 15 expertos procedentes de Universidades españolas coma a Pompeu Fabra; a de Santiago de Compostela; a Universitat Oberta de Catalunya; a do País Vasco; a de Deusto ou a de Barcelona, así como das Universidade de Cardiff e Bath (Reino Unido), os que impartirán numerosas conferencias e tomarán parte en mesas redondas. Recoñecidas figuras especialistas en xestión pública como Carles Ramió Matas; Adela Mesa del Olmo; Agustía Cerrillo i Martínez; Roser Beneito-Montagut ou Andrés Cernadas Ramos abordarán aspectos como a participación cidadá como ferramenta fundamental dos gobernos intelixentes; as posibilidades que ofrecen as novas tecnoloxías para a mellora da xestión dos servizos públicos ou as smart cities, as cidades intelixentes e socialmente innovadoras.
A programación dará comezo o día 18 de xuño, ás 9:30 horas, coa recepción e acreditación ós participantes. O Salón de Actos do Pazo de San Marcos acollerá ata 13 conferencias e 3 mesas redondas conforman o programa de actividades que se desenvolverán durante os tres días de seminario. Os asistentes recibirán, posteriormente, un diploma acreditativo de aproveitamento das xornadas.
O prazo de inscrición ábrese hoxe en www.deputacionlugo.org, páxina na que os interesados poderán atopar completa información sobre os horarios e os expertos participantes. O aforo é limitado, polo que as solicitudes se formalizarán por rigorosa orde de inscrición. Esta actividade está aberta a todos os públicos e a asistencia é gratuíta.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
