Lourenzá, 12 de xuño de 2014. O pleno da corporación municipal de Lourenzá aprobou este xoves unha modificación nas condicións do crédito concedido para o pago a provedores, que suporá un aforro medio de 5.000 euros anuais e permitirá axilizar o pago de facturas pendentes.
A portavoz do goberno local, Lupe Flórez Seivane, explicou que a corporación de Lourenzá celebrou este xoves un pleno extraordinario cun único punto na orde do día que “era dación de conta da resolución do 13 de maio de 2014 da Secretaría Xeral de Coordinación Autonómica e Local pola que se dá cumprimento ao acordo da comisión delegada do Goberno para asuntos económicos de 24 de abril de 2014 para a modificación de determinadas condicións financeiras das operacións de endebedamento subscritas con cargo ao mecanismo de financiamento para o pago aos provedores das entidades locais e adopción do acordo que proceda”.
Lupe Flórez engadiu que “a Secretaría do Concello expuxo as tres medidas que propoñía como flexibilización dos créditos concedidos aos Concellos para os pagos a provedores. Dentro destas tres medidas había unha que nosoutros xa non tíñamos opción a acollernos pois era para aqueles concellos que teñen unhas peores condicións económicas. Non é o caso de Lourenzá, polo que poderíamos acollernos a segunda ou a terceira das medidas propostas dende o Ministerio. A segunda delas falaba basicamente da ampliación do período de carencia nun ano e a terceira, que foi á que se acolleu o Concello de Lourenzá, fai referencia ao mantemento dos períodos iniciais de amortización e carencia e á redución do tipo de interese do crédito concedido, que pasaría nun euribor de 3 meses dunha diferencial que antes era de 525 a ser de 385 puntos, polo que sería unha redución do tipo de interese de 140 puntos”.
Flórez comentou tamén que “os condicionantes que poñían para acollerse a unha destas opcións de reaxuste do endebedamento facían referencia fundamentalmente a tres medidas: a primeira delas é a obriga de adherirnos á plataforma Emprende 3, encamiñada ao fomento do emprendemento por parte dos nosos veciños; a segunda fai referencia ao compromiso de adhesión á factura electrónica da plataforma do Ministerio no momento en que esta se poña en funcionamento; e a terceira medida fai referencia a substitución inmediata de polo menos o 30 por cento das licencias de apertura de distintas actividades comerciais e económicas por unha declaración responsable para axilizar a tramitación da apertura de novos establecementos”.
Esta proposta foi aprobada “polos votos a favor dos seis concelleiros do Partido Popular, catro abstencións dos concelleiros que forman o grupo socialista e un voto en contra do concelleiro do Bloque Nacionalista Galego”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
