Lugo, 23 de xuño de 2014.- O director xeral de Administración Local, Jose Alberto Pazos Couñago, lamentou as actitudes obstrucionistas e de bloqueo que se manteñen desde a Deputación de Lugo con relación á xestión da rede dos Grupos de Emerxencia Supramunicipais (GES), ao tempo que lle pediu á institución provincial “a máxima colaboración para garantir a seguridade dos cidadáns lucenses”.
Pazos Couñago ofreceu esta mañá unha rolda de prensa Delegación Territorial da Xunta en Lugo para explicar a situación dos GES na provincia. O director recordou que estes grupos puxéronse en marcha o pasado ano, grazas á colaboración entre a Xunta, as catro deputacións e os concellos e que están a funcionar de xeito positivo no conxunto da Comunidade, agás en Lugo, onde a Deputación está a poñer problemas.
O director asegurou estar “fondamente preocupado pola utilización política e partidista que se está facendo dun tema esencial e fundamental para a Xunta de Galicia como é garantir a prestación do servizo de emerxencias” á totalidade da cidadanía galega e, neste caso concreto, á de Lugo. Por iso lamentou que a Deputación estea “a facer distincións entre cidadáns de primeira e de segunda en Lugo”.
Pazos Couñago explicou que na última reunión da Comisión de Seguimento dos GES a Deputación de Lugo notificou que tiña aboado o 75 por cento dos fondos que tiña que pagar en 2013, pero que nese pago excluíuse deliberadamente a tres concellos gobernados polo Partido Popular: Guitiriz, Folgoso do Courel e Quiroga, escudándose en dúbidas sobre os seus procesos selectivos. Sen embargo si se lle pagou a outros concellos como A Pontenova, o único concello da provincia cuxo proceso de selección está en vía xudicial.
Por último, o encargado da Administración Local en Galicia garantiu que “como non podería ser doutro xeito” a Xunta vai cumprir con todos as súas obrigas comprometidas para o ano 2013 e 2014; e esperou que no ámbito da comisión de seguimento que se vai a celebrar este mércores -25 de xuño- “se alcance por fin unha solución definitiva despois das múltiples que lle ofrecemos aos representantes da Deputación” e que, dunha vez por todas, cumpran cos compromisos acadados nestas xuntanzas.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
