A comisión das Festas do Carme de San Cibrao deu a coñecer o programa completo dos festexos patronais este mércores. Así, a programación inclúe actos dende o día 8 ao 20 de xullo pensados para todos os públicos: infantil, mozos e mozas e para os adultos.
O presidente, José Ramón Soto, a tesoureira, Pilar Armada, e a secretaria, Dolores García Caramés, aproveitaron tamén para presentar o cartel das festas. Unha celebración na que se ofrecerán actividades en diferentes puntos emblemáticos da localidade, como son a ría, o porto ou a praza dos Campos co obxectivo de “dinamizar San Ciprián ao completo, xerando actividade nas rúas e nos espazos públicos de forma que toda a vila se poida implicar e ao mesmo tempo apoiando á hostalería e á economía local en xeral”, asegura o presidente.
Da mesma maneira a comisión quere agradecer de antemán “a todos os veciños a súa implicación coas festas, xa que todos os anos colaboran activamente e aportan o seu gran de area para facelas posibles”, asegura Soto, que tamén dá as grazas en nome da comisión a todos os comercios, empresas e hostaleiros que fixeron as súas contribucións, así como ao Concello de Cervo, que tamén colabora.
En canto ao programa, destacan algunhas novidades, como o Día do Deporte, para o público infantil, que terá lugar na praza dos Campos e nun treito da avenida da Mariña (11 de xullo de 11 a 20 h.) e no que poderán practicar diferentes disciplinas; a I Regata de bateis (16 de xullo) ou as festas gastronómicas e de degustación no porto, como o Día da Empanada (14 xullo) ou do Peixe Espada (16 de xullo). Do mesmo xeito, tamén se manteñen outras actividades iniciadas o ano pasado, como o Mercado Pirata (18, 19 e 20).
Público infantil
Ademais das actividades para nenos e nenas mencionadas, tamén haberá teatro infantil (8 de xullo) coa actuación do grupo “Mamá Cabra, Patatín Patatán”, ou o Día Infantil (17 de xullo) que incluirá xogos, colchonetas e atraccións náuticas na praza dos Campos.
Música
As actuacións musicais e as orquestras teñen un forte peso no programa. A primeira será na Igrexa Parroquial de Lieiro (12 de xullo), co Coro do Centro Social de Persoas Maiores de Santa Cristina de Lena e a Coral do CIT (San Ciprián). Ademais celebrarase o I Encontro de Corais co Coro de la Villa de Navia e Escolma de Meus (13 de xullo). Outras actuacións serán a do Grupo de Improvisación do Conservatorio de Viveiro e a Coral Terramar (20 de xullo).
Destacan tamén o concerto de Malvela (12 de xullo), o do grupo folk Cempés (19 de xullo) ou os Cantos de Bares (14 de xullo). Sen esquecer as múltiples sesións vermú e verbenas coas orquestras Olimpus, Aramio, Abanico, o grupo Brétema e a discoteca móbil Decibelios.
Actividades tradicionais
Dentro das actividades habituais inclúense o pregón, que nesta ocasión será a cargo do avogado Antón Mosquera, fillo do Aventado Pablo Mosquera, que terá lugar o 12 de xullo. Tamén a confección da alfombra floral na honra da Virxe do Carme na praza do Lugar e nas rúas próximas (15 xullo) e, o mesmo día, pasarrúas da Banda Naval de Cornetas e Tambores do Club Náutico de Viveiro, a misa solemne cantada pola Coral Terramar e a procesión. De novo o 16 de xullo haberá pasarrúas coa Banda Naval de Viveiro, misa solemne cantada pola coral Terramar, ofrenda floral na honra dos mariñeiros falecidos a cargo de María del Mar Otero e de novo procesión.
Teatro
O teatro abrirá as festas do Carme. Para o público adulto ofreceranse tres obras da man de tres grupos diferentes: Ardora de San Ciprián (9 xullo), O Bordelo de Cervo (10 de xullo) e A Rabela de Baralla (11 de xullo).
A comisión anuncia que a partir da semana que vén estará dispoñible na Casa da Cultura o libro das festas.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
