Burela, 3 de xullo de 2014. O Concello acaba de recibir unha subvención de 42.900 euros para a contratación de cinco persoas en situación ou risco de exclusión social que realizarán traballos de xardineiros e de peóns.
O alcalde, José Mª González Barcia, indicou que “o Concello de Burela ven de recibir este xoves unha comunicación oficial da Xefatura Territorial da Consellería de Traballo e Benestar pola que se nos concede unha subvención por un total de 42.900 euros para a contratación de cinco persoas durante sete meses, cun 75 por cento da xornada laboral, para facer traballos de xardineiros e de peóns. Esta subvención está concedida ao abeiro da convocatoria da Xunta de Galicia para a contratación temporal polas entidades locais de persoas en situación ou risco de exclusión social”.
Para o rexedor “deste xeito o Concello de Burela dá un paso máis en dous sentidos: por un lado, na súa preocupación polos servizos sociais para intentar, na medida das nosas posibilidades, colaborar coas persoas que agora mesmo están en situación de risco de exclusión social; e tamén na dirección de fomentar o emprego”.
González Barcia subliñou que “a concesión da subvención chegou hoxe mesmo ao Concello e probablemente mañá ou a principios da próxima semana poñeremos en marcha todos os procedementos habituais para a contratación destas persoas. Eu calculo que, se as cousas non se torcen, a finais deste mes de xullo ou principios de agosto poderán estar xa estas cinco persoas incorporadas ao Concello para traballar como peóns ou xardineiros a un 75 por cento da súa xornada laboral durante sete meses”. E engadiu que “os custos laborais son de 30.408 euros en total e os custos subvencionados da seguridade social ascenden a 11.494,35 euros”.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
