SAN CIBRAO .- O Valedor do Pobo admitiu a trámite a queixa presentada pola ANPA do CEIP Rivera Casas de San Cibrao “onde se lle expón que a Consellería de Educación pretende o peche do colexio e a integración dos seus alumnos, 8 para o curso 2009 – 2010, no CEIP de Galdín”. Os representantes dos pais e nais do centro agardan “que o señor conselleiro cumpra a súa palabra, cando o pasado día 15 na entrevista que mantivemos con el en Viveiro, prometeu que nos citaría para escoitar os nosos argumentos antes de tomar calquera decisión.”
Nota de Prensa
O VALEDOR DO POBO ADMITE A TRÁMITE A QUEIXA PRESENTADA POLA ANPA DO CEIP RIVERA CASÁS.
A ANPA do CEIP Rivera Casás, presentou ante o Valedor do pobo unha queixa onde se lle expón que a Consellería de Educación pretende o peche do colexio e a integración dos seus alumnos (68 para o curso 2009 – 2010) no CEIP de Galdín.
Xunto a queixa formulada presentouse dabondosa información, entroutra:
* Integración do CEIP de Galdín no CEIP Rivera Casás para o curso 2003 – 2004, co informe favorabel da Delegación Provincial de Educación (Goberno do Partido Popular). Como é sabido, despois das eleccións municipais do 2003, ao gañar o PP no Concello de Cervo, son máis prioritarios os intereses urbanísticos ca os educativos, paralizándose o proceso de integración previsto.
* Feitos acaecidos a comezos e durante o curso 2005 – 2006 (traslado das matrículas ao CEIP de Galdín de parte do alumnado do CEIP Rivera Casás por mor do seu peche os primeiros días de curso, suspensión por parte do Concello dos servizos de mantemento, paralización das obras de adecentamento, etc.)
* Manifestacións recentes do Director Xeral de Centros e do Conselleiro, onde dan por feito que no vindeiro curso o CEIP Rivera Casás será suprimido.
* Informe realizado polo Servizo de Inspección, onde se valora únicamente o CEIP de Galdín como centro onde se realizará a integración. É de salientar, que no devandito informe reflíctense varias deficiencias ou condicionantes (situación do centro fora do núcleo de poboación, perigosidade das vías de acceso, servizo de comedor por quendas, necesidade de realizar obras e transportar a todo o alumnado)
Admitida a queixa, xunto coa información que lle acompaña, o Valedor do Pobo comunícalle á representante da ANPA mediante escrito de data 14 de xullo e nº de rexistro de saída 5991; que atopa cobertura constitucional ao abeiro do artigo 27 do Dereito á educación. Así mesmo, promove a investigación sumaria e informal ante a Consellería de Educación para o esclarecemento dos feitos e solicítalle informe.
Como consecuencia do expediente aberto polo Valedor do Pobo, é a vista da presunta vulneración da legalidade vixente, a Consellería de Educación debe paralizar inmediatamente o proceso iniciado unilateralmente de supresión do CEIP Rivera Casás. Debe ter en conta a nosa opinión. Como poder público ten o deber de facer efectiva a nosa participación en todo aquelo que atinxa dunha maneira tan trascendente á educación dos nosos fillos.
Agardamos que o Señor Conselleiro cumpra a súa palabra, cando o pasado día 15 na entrevista que mantivemos con él en Viveiro, prometeu que nos citaría para escoitar os nosos argumentos antes de tomar calquera decisión. Queremos pensar que a persoa que ostenta a máxima responsabilidade educativa da nosa comunidade está á altura do cargo que representa.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
