LUGO, 19 DE XULLO DE 2014.- Os socialistas da provincia elexiron este sábado por aclamación aos 12 representantes que se desprazarán a Madrid a vindeira fin de semana para participar como delegados no congreso federal extraordinario, e no que o PSOE ratificará a Pedro Sánchez como novo secretario Xeral en substitución de Alfredo Pérez Rubalcaba, quen renunciou a seguir á fronte da executiva federal logos das eleccións europeas do pasado 25 de maio. No trancurso do encontro, o secretario Provincial –Juan Carlos González Santín- recoñeceu publicamente o esforzo realizado o pasado domingo pola militancia, e que “nos situou como a provincia galega coa maior porcentaxe de participación no proceso de primarias vivido”.
Tal e como explicou Santín, un total de 11.550 socialistas estiveron chamados a exercer o seu dereito ao voto en Galicia. Destes, finalmente, 7.976 acudiron o pasado domingo ás urnas. Por provincias, a de Lugo foi a que rexistrou a maior participación, pois dun censo inicial de 2.311 militantes, 1.653 elexiron ao novo secretario Xeral, é dicir, o 71,53% dos afiliados nesta provincia participou no proceso de primarias. En segundo lugar, e con tres puntos porcentuais menos que a luguesa, atópase Ourense (1.484 electores; 1.013 votos válidos -68,26%-). No terceiro posto, sitúase A Coruña (dos 4.304 electores, contabilizáronse 2.927 válidos; é dicir, o 68% do total) e, no cuarto lugar, Pontevedra (dos 3.451electores, participaron 2.298 –o 66,59%-).
“Os lucenses acabamos de elexir o cambio, levando a Pedro Sánchez á secretaría Xeral do Partido Socialista. Realmente é un orgullo constatar que o PSOE volve a xerar confianza e a dar esperanza. Este orgullo do que vos falo é o orgullo da dignidade, da responsabilidade”, precisou Santín, ao tempo que destacou que “só cabe un Partido. Creo que o compromiso do novo Secretario Xeral é a de unir a cada militante coa acción común para afrontar os retos que nos esperan e para que a austeridade deixe de ser unha fatalidade, para favorecer a igualdade de oportunidades, para que os nosos fillos teñan un Educación mellor que a que tiveron as xeracións anteriores…. En definitiva, volver a dar en España, en Galicia e en Lugo unha dimesión de crecemento, de emprego e de prosperidade”, afirmou.
Neste senso, e dado que “as eleccións municipais están á volta da esquina”, o dirixente dos socialistas manifestou o seu compromiso para implicar nos comicios de 2015 aos cidadáns dos 67 concellos lucenses, e pediulles aos compañeiros participantes no cónclave provincial que apliquen nas vindeiras eleccións “o mesmo compromiso que o que demostrástedes o día 13, e que o fagades coa mesma exemplaridade”.
“Somos un Partido que suma e non un Partido que resta”
“Coñezo as esixencias. Por iso quero transmitirvos que neste proxecto cabemos todos. Somos un Partido que suma e non un Partido que resta”, afirmou Santín, logo de recoñecer que a “expresión democrática da vontade popular reside, precisamente, en procesos como o que vivimos recentemente e dos que en Galicia fomos pioneiros. Como él mesmo se define, o noso líder galego –José Ramón Gómez Besteiro- é un fillo das primarias, que son respaldadas polo voto libre dos militantes, que son os que deben elexir ao seu Secretario Xeral”. Un proceso, reiterou, “de enorme trascendencia e un síntoma de plena normalidade, tanto en Galicia como en España, que establece mecanismos de substitución e relevo que garanten a continuidade democrática”.
“Só novos pilotos nos levarán a novos horizontes”
Por este motivo, o secretario Provincial amosouse convencido de que “só novos pilotos nos levarán a novos horizontes. Fronte a quenes comparecen ante a sociedade sostendo que se fai o único que se pode facer; fronte a quenes din que nada distinto ou alternativo se pode levar a cabo; fronte a quenes consideran que gobernar é limitarse a xestionar imposicións de terceiros…. o proxecto que iniciamos o domingo baséase, precisamente, en non resignarse e en cambiar as cousas. Este proceso de eleccións primarias serviu para coñecer mellor aos candidatos, pero tamén as súas ideas. Foi unha excelente oportunidade para ampliar o proceso de decisión máis alá das fronteiras da estrita militancia política partidaria, extendéndoa a quenes comparten ideas e son parte do apoio electoral nas urnas”, apuntou.
Con elo, producirase, segundo destacou o dirixente do PSOE lucense, un impulso de renovación do contrato político cos electores, dos Partidos e os seus candidatos. “Que os xestores públicos sexan vistos como fonte de problemas en vez de actores na solución dos mesmos evidencia un alonxamento social, que é necesario reducir por saúde democrática. Por iso, é unha satisfacción que se fixese realidade aquelo de que as cousas se poden facer dun modo distinto, máis eficaz e transparente, modificando actitudes e comportamentos anteriores. Sen elo, non será posible recuperar a confianza que os Partidos tivemos na Transición e durante as primeiras décadas da democracia”, concluíu.
Con este sistema, incidíu, “o Partido conseguiu ensanchar a democracia, xa que os votantes non quedamos como simples convidados de pedra ante o proceso electoral, senón que nos pronunciamos sobre quen e como vai a concurrir nel, rompendo a apatía política e obrigando aos candidatos a baixar da súa torre de marfil e a coñecer de primera man as inquietudes e necesidades dos cidadáns”.
Os 12 elexidos
O encontro celebrado este sábado xurde do proceso levado a cabo o pasado domingo para a elección do dirixente do PSOE a nivel estatal. Os 12 delegados elexidos, e que participarán no cónclave federal a vindeira semana, foron os seguintes: José Ramón Gómez Besteiro (secretario Xeral do PSdeG-PSOE), María Loureiro (alcaldesa de Viveiro), Juan Carlos González Santín (secretario Xeral do PSdeG-PSOE da provincia de Lugo), Elba Veleiro (concelleira do PSOE en Vilalba), José Tomé Roca (secretario Xeral do PSdeG-PSOE de Monforte de Lemos), Laura Celeiro (alcaldesa de O Incio), José Blanco (deputado no Parlamento Europeo), Fe Álvarez (secretaria Xeral do PSdeG-PSOE de As Nogais e membro da executiva nacional galega), Horacio Rouco (secretario Xeral do PSdeG-PSOE de Palas de Rei e secretario de Medio Rural da executiva provincial), Marta Jato (secretaria de Organización do PSdeG-PSOE da agrupación de Lugo), Pablo Rivera (secretario Xeral do PSdeG-PSOE de Láncara e coordinador comarcal de Sarria) e Mayra García (secretaria Xeral do PSdeG-PSOE de Trabada e coordinadora comarcal da Mariña). Coa elección destes candidatos quedan representadas todas as comarcas da provincia.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
