Ribadeo, 1 de agosto de 2014. A ocupación hostaleira situouse en Ribadeo no mes de xullo no 80% e 32.000 persoas demandaron información nas oficinas de turismo da vila e da praia das Catedrais. Foi o alcalde, Fernando Suárez, o encargado de dar a coñecer estes datos.
O rexedor dixo que “está claro que Ribadeo dende o punto de vista da afluencia turística está sendo un destino emerxente, onde cada vez hai máis xente de cerca ou de máis lonxe que quere vir visitarnos. E a xulgar polas cifras que nos pasan as técnicas dos puntos de información turística das Catedrais e da oficina de turismo de Ribadeo indican que batemos un novo récord de visitas que acoden a pedir información á oficina de turismo”.
Suárez Barcia relatou que “durante este mes de xullo pasado na oficina de turismo de Ribadeo estiveron unhas 12.000 persoas, que é un pouco máis que os acudiron alí no mesmo mes de 2013, que foran 10.000. E no que ten que ver con outro punto fenomenal de afluencia turística, como é o das Catedrais, incrementouse sensiblemente con respecto ao ano pasado, xa que en 2013 pasaran no mes de xullo unhas 12.000 persoas por alí e agora houbo unhas 20.000; de media unhas 700 persoas por día foron pedir información turística no punto das Catedrais”.
Para o alcalde “tanto na vila de Ribadeo como no punto de información das Catedrais no mes de xullo unhas 32.000 persoas viñeron pedir información. Iso quere dicir que as que viñeron a Ribadeo foron moitas máis; de aí que todo o persoal que temos contratado en materia de turismo, que unha gran parte está financiado pola Deputación Provincial de Lugo, que tanto nos está apoiando nesta materia, literalmente non dan feito para atender e a indicarlle á xente que nos ven visitar o que pode ver, onde pode comer…”.
Fernando Suárez engadiu que “en Ribadeo chova ou faga sol sempre hai que ver e que facer. Este fin de semana que vai entrar agora aínda moito máis, coa festa do percebe, co Emma Cuervo, coa Xira de Santa Cruz… en definitiva, un montón de actividades que logo a xente de Galicia, de Castela-León, de Madrid, andaluces, vascos e cataláns son os que máis están vindo do Estado. Pero tamén veñen dende Europa e destacan os de Francia, de Alemaña e do Reino Unido, cun amplo porcentaxe de visitas, que cada vez está medrando máis. A ocupación hoteleira, polo que estamos consultando aos diferentes hoteis, alcanzou no mes de xullo o 80 por cento, con estancias por viaxeiro de máis días que o ano pasado. Isto é unha boa noticia”.
O alcalde anima “ao sector da hostalaría a que sigan traballando tan ben como o están facendo para que o mes de agosto volvamos bater un novo récord de visitantes a este noso Ribadeo”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
