Lugo, 11 de agosto de 2014 – A Administración da Seguridade Social vén de poñer en marcha Tu Seguridad Social (TUSS) un novo portal web de servizos integrados que proporciona ao cidadán información personalizada e actualizada da súa situación como activo ou pensionista e que, ademais, permite realizar, dun xeito cómodo e áxil, os trámites máis habituais no ámbito da xestión de prestacións de Seguridade Social.
Tu Seguridad Social –a onde se accede a través da dirección https://tu.seg-social.gob.es ou dende a sede electrónica da Seguridade Social- funciona dende o pasado mes de xullo e iráse implantando por fases. A día de hoxe, xa se pode consultar a situación persoal referida á asistencia sanitaria, obter o documento acreditativo de aseguramento ou solicitar a Tarxeta Sanitaria Europea. Ademais, os pensionistas poden acceder a todos os datos relacionados coa súa prestación e, os traballadores en activo, consultar os días que cotizaron para ter dereito a prestacións ou consultar a previsible idade de xubilación ordinaria.
O subdelegado do Goberno, Ramón Carballo, valora este novo paso do Goberno a prol dunha Administración “moito máis próxima ao cidadán, máis eficiente e eficaz”, e lembra que a Seguridade Social é “pioneira” na aplicación das novas tecnoloxías, situándose “na vangarda do desenvolvemento da administración electrónica”.
ESPAZO PRIVADO E INTUITIVO
O novo portal da Seguridad Social é unha web totalmente intuitiva que, xa na páxina de inicio, ofrece ao usuario un resumo da súa situación actual e permite o acceso directo ás xestións máis habituais.
A principal característica do portal é a máxima seguridade no acceso ás informacións. Para poder acceder ao mesmo, o primeiro paso é rexistrarse nun Centro de Atención e Información do Instituto Nacional da Seguridade Social (CAISS) ou en calquera oficina da Seguridade Social. Deste xeito, obteráse un código de activación para que cada usuario cree o seu propio contrasinal. Unha vez que o obteña poderá acceder xa, cos máximos niveis de seguridade, aos seus datos e realizar xestións.
Ademais da oficina de Lugo, na provincia hai Centros de Atención e Información da Seguridade Social en Sarria, Monforte, Vilalba, Mondoñedo, Ribadeo e Viveiro.
IMPLANTACIÓN POR FASES
Dada a complexidade tecnolóxica de Tu Seguridad Social, a súa posta en marcha farase en sucesivas etapas. A primeira delas está en funcionamento dende o pasado mes de xullo. En fases posteriores, porase en marcha un simulador da idade de xubilación, darase ao cidadán a posibilidade de tramitar as prestacións por maternidade ou paternidade, xubilación, viuvez e orfandade, así como de modificar a conta na que cobra a pensión, entre outras xestións.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
Estivo arroupado nun salón de actos repleto de xente.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
