Cervo, 22 de agosto de 2014-O Concello informou este venres de que en dúas semanas eliminou 27 dos 30 niños de avespa asiática localizados polos veciños e os apicultores. Desta maneira, atendéronse practicamente todos os avisos recibidos en diferentes puntos do municipio, agás tres que presentan unha extrema dificultade para a súa eliminación. Cabe destacar que a meirande parte dos retirados atopábanse en árbores, lonxe das vivendas, e que só en dous casos as avespas aniñaran en teitos e fechadas das casas.
A maioría das retiradas realizáronse de noite, que é o momento máis indicado, pero nalgún caso houbo que actuar a primeira hora da mañá por motivos de seguridade do persoal. En concreto, as actuacións realizáronse en Lieiro, Casa Novas, polígono de Cuíña. Viladesuso, Rúa, San Román, Trasbar, O Vilar, A Costoira, Sargadelos, Rueta e Castelo.
Nalgúns casos as operacións foron sinxelas pero noutros entrañaron grande dificultade, como o niño situado na ponte de Rueta ou algúns que se atopaban en árbores a moitos metros de altura, situacións nas que foi necesario utilizar maquinaria do Concello así como solicitar o camión de bombeiros ao Consorcio para chegar a determinados puntos.
De feito, houbo casos nos que foi preciso pedir permiso a propietarios de montes ou solicitar colaboración a ADIF. En total, na eliminación dos niños utilizáronse 150 aerosois de insecticida. Uns traballos que realizou o Concello cos seus medios en colaboración coa Xunta de Galicia.
Reunión con apicultores
O Concello celebrou este venres unha terceira reunión cos apicultores do municipio, despois de que a semana pasada repartise trampas e cebos entre os preto de 60 propietarios de colmeas que asistiron. A xuntanza deste venres serviu para seguir traballando de forma coordinada no control da poboación da vespa velutina e intercambiar información e impresións así como coñecer a efectividade dos dispositivos entregados.
Na reunión estivo presente o alcalde de Cervo, Alfonso Villares, o edil de Seguridade Cidadá, José Ramón Soto e o responsable do GES de Cervo, Mario Antuña. Nela manifestaron a súa intención de “seguir traballando man a man cos apicultores para buscar a mellor solución e ter baixo control a esta especie invasora e de forma coordinada e complementaria á labor da Xunta de Galicia”, explica Soto.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
