Lugo, 29 de agosto de 2014.- A Xunta de Goberno aprobou este venres o convenio de Deputación de Lugo coa Consellería de Medio Rural e do Mar para o programa de mellora de camiños de titularidade municipal 2014-2015. O voceiro provincial socialista salientou que “con esta colaboración, a Deputación financia por primeira vez o PEIM co obxectivo de permitir a súa execución na provincia logo de que a Xunta de Feijóo o suprimise durante dous anos, 2010 e 2011, negándolle ós 67 Concellos lugueses, asfixiados polos recortes dos Gobernos da dereita deste país, a posibilidade de acondicionar as vías polas que, diariamente, transcorren os veciños desta provincia, eminentemente rural. Feijóo debería explicar que fixo con este fondos europeos”.
A Deputación achega 742.000 euros a esta programación (275.300 euros este ano e 466.700 no 2015), financiándoa nun 10,1% fronte ó 2,05% que achega a Xunta de Galicia, administración cun orzamento máis de 100 veces superior ó deste organismo provincial. O PEIM contará cun orzamento total de 6,5 millóns de euros na provincia, financiados nun 75% pola Unión Europea e nun 15% polo Goberno Central.
José Luis Lolo Celeiro
A sesión aprobou o nomeamento de José Luis Lolo Celeiro, como representante da Deputación de Lugo na Fundación Galicia Obra Social. Martínez explicou que, por primeira vez, o organismo lugués ten representación nesta Fundación, logo da modificación dos seus Estatutos, que ofrecen ás 4 Deputacións galegas designar cadaseus patróns; así como ós 7 Concellos de maior poboación na Comunidade; ó Parlamento de Galicia, con 4 patronos máis; á Xunta, con outros 3 representantes, nomeados dende as Consellerías de Facenda, Traballo e Cultura; e 1 designado polos propios traballadores da Fundación. Son 19 patronos que, xunto a outros 9 de ABANCA, suman un total de 28.
Tal e como recollen os Estatutos, os patronos non poden ser persoas que exerzan un cargo por mandato representativo, nin dirixentes políticos ou representantes de organización sindicais e empresariais. Deben ser persoas con coñecementos e experiencia en materias que son obxecto da actividade da Fundación: económica, financeira, xurídica, social, cultural, científica, artística ou educativa.
A Deputación de Lugo nomea a José Luis Lolo Celeiro pola súa ampla traxectoria e vinculación con entidades sen ánimo de lucro no ámbito da asistencia social e integración de colectivos marxinais ou en risco de exclusión. Celeiro forma parte de COGAMI (Confederación Galega de Persoas con Discapacidade), de Agora (Asociación de Minusválidos da Comarca de Lemos), así como do Grupo Empresarial Galego de Economía Social, cuxo actividade se centra na creación de emprego de calidade para persoas con discapacidade. Foi membro fundador da Federación de Asociación de Persoas con Discapacidade de Lugo, director do Centro de Recursos para a Discapacidade de Fingoi e Secretario de Auxilia Lugo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
