Ferreira do Valadouro, 29 de agosto de 2014.- Como ven acontecendo nos últimos 29 anos, na semana previa ás festas patronais de Ferreira, máis coñecidas popularmente, como Festas do Oito, vense celebrando a semana do teatro afeccionado que nas súas orixes organizaba a asociación cultural Amado Lar e que, co paso do tempo, tivo que pillar as rendas o Concello do Valadouro.
Nesta ocasión aparecen tres novos grupos teatrais que suben por primeira vez ás taboas en Ferreira (Trípode, Pico do Castro e Os Maruxos) e tamén contamos con dous dos clásicos da semana do teatro do Valadouro (O Bordelo e Axouxeres).
As citas coa semana do teatro comezan o vindeiro domingo, cun grupo de exalumnos do Ies de Alfoz-Valadouro: A Maseira, que nos van a representar a obra “Os anxos do apocalipse”, unha idea orixinal de Pepe V. Peinó. Este grupo sempre tivo moi boa acollida no escenario valadourés no que xa é a terceira edición na que actúan.
A seguinte cita,o luns 1 de setembro, un grupo de recente creación, da vila mariñá de Foz, Pico do Castro que representará a obra “De Vello… Gaiteiro” de Manuel Lugilde Penelas.
Un clásico entre os clásicos do teatro afecionado na mariña lucense, gañador de numerosos premios, tócalle o turno o martes , 2 de setembro: O Bordelo coa súa ultima obr: “Os amores do Mariñán” orixinal de Francisco Piñeiro.
O cuarto día, 3 de setembro, tócalle o turno o grupo de vilaronte Axouxeres coa obra “descontrol hospitalario” de Román Sarmentero.
O xoves, a pesares que levan actuado varias ocasións, pola mariña luguesa, estrénanse nas taboas de Ferreira o trio humorístico Trípode coa obra “Apedreando”. Unha idea orixinal de Pepe Peinó.
Remata a semana do teatro cun grupo que renace con xente e ideas novas pero ó mesmo tempo con actores que xa actuaron en ocasións anteriores. Estrenamos o grupo “Os Maruxos” vinculados á asoc. Cultural Amado Lar coa obra “Un raposo no poleiro” de José Juan “Xaque”. Este estreo será o venres, 5 de setembro.
Todas as representacións serán ás 22:00h. no salón de actos da casa da cultura de Ferreira.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
