Mondoñedo, 5 de setembro. A cidade de Mondoñedo acolle dende o venres 12 de setembro ata o luns 15 a festividade dos Remedios, patroa da localidade.
A ofrenda, que se realiza o domingo 14, este ano correspóndelle ao concello de Ribadeo; polo que encabezará a comitiva o alcalde Fernando Súarez. Ás 11.30 horas saen da Casa do Concello cara ao Santuario de Nosa Señora dos Remedios, acompañada da Banda Municipal de Música de Ribadeo. A Misa será cantada pola Coral Polifónica de Ribadeo. Seguidamente terá lugar a PROCESIÓN polo itinerario de costume, acompañada pola Banda Municipal de Música de Ribadeo. E ás 14.15 horas a Banda Municipal de Música de Ribadeo ofrecerá un concerto na Praza do Concello (en caso de choiva terá lugar no Auditorio Municipal Pascual Veiga).
O programa de festas inclúe actuación das orquestras como Fenix, Atenas, Matinee, Alarma, Triunfo e Samba. Ademais actuará a banda de música e a coral polifónica Ribadeo.
Outras actividades
Haberá unha nova edición dos cantos de Taberna, o sabado 13, que percorreran os bares da cidade, organizado pola ACIAM. E como pincelada deportiva celébrase, o sábado 13, a II carreira popular dos Remedios, a saída será dende a Alameda dos Remedios. A inscrición é gratuíta. Para máis información: http://carreiraosremedios2014.blogspot.com.es ou ben no número de teléfono 605790091.
Ademais o domingo xogarán un partido de fútbol no Campo Viñas da Veiga de 2ª Autonómica entre os equipos Mondoñedo F. C e o Goiriz. E ás 18.00 horas disputarase tamén o I Torneo “Os Remedios baloncesto de base” no pavillón municipal de Deportes con entrada de balde.
No eido cultural haberá teatro, o sábado 13 ás 19.00 horas no Auditorio Municipal Pascual Veiga, a cargo da Asociación de persoas con discapacidade intelectual PRODEME de Monforte que representarán a obra de teatro “A cidade non é para min”.
Luns 15. Día do neno con barracas con desconto
Para rematar as festas o luns día 15 de setembro haberá MISA DE COFRADES no Santuario de Nosa Señora dos Remedios seguida de sesión vermú co grupo SAMBA.
Xa pola tarde, a partir das 17.00 horas; Día no Neno nas barracas na Alameda. Os rapaces e rapazas poderán disfrutar dunha xornada na que haberá unha reducción da entrada das atraccións da Alameda.
Ás 19.00 horas; Mircromina títeres presenta “Vacacións no mar” no Auditorio Municipal Pascual Veiga antes do remate das festas coa verbena a cargo do Grupo SAMBA.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
