Foz, 8 de setembro de 2014. A oficina de turismo de Foz atendeu a máis de 8.000 persoas durante os meses de xuño, xullo e agosto. Este dato foi dado a coñecer hoxe pola concelleira de Turismo focense, Maite López Rego.
“O balance é moi positivo, posto que, como xa aconteceu en anos anteriores, volvemos mellorar o número de visitas, triplicando as de 2012.
Dúas persoas foron as encargadas de atender a xente na oficina: a técnico municipal máis outra que se puido contratar grazas á colaboración da Xunta de Galicia. Ademais, como xa viñamos facendo dende hai uns meses, contamos cunha guía para as visitas á basílica de San Martiño”, explicou a edil de Turismo, quen especificou que “no mes de xuño pasaron pola oficina de turismo 424 persoas; en xullo, 1.721; e no mes de agosto elevamos a cifra a 6.092 visitas”.
Maite López Rego comentou tamén que “a maior parte do turismo é nacional: madrileños, asturianos, leoneses, vascos e incluso galegos, aínda que, nun número moi inferior, tamén houbo xente estranxeira que apostou por Foz para pasar as súas vacacións”.
A concelleira de Turismo en Foz destacou ademais que se rexistraron “moi poucas incidencias e as que houbo foron de pouca importancia. Foz segue contando con Bandeira Azul en seis dos seus areais (A Rapadoira, Llas, Peizás, Arealonga, Polas e Areoura) e ademais con Sistemas Ambientais ISO 14001 en todas as anteriores e tamén en Xuncos, Pamplillosa e Alemáns, aparte da Q de calidade turística na Rapadoira, sen esquecerme do Galardón Sendeiro Azul para a Ruta das Praias, que vai dende A Rapadoira ata A Areoura”.
Maite López rematou comentando que “o noso concello ten moito que ofrecer e seguiremos traballando para poder dar moito máis aos nosos visitantes. Formamos parte dun lugar de Galicia chamado A Mariña, que conta con numerosos lugares marabillosos que poder facer inesquecibles as vacacións de calquera. Quero agradecer a tódolos visitantes que contaron con Foz para pasar uns días e a tódolos focegos a hospitalidade que ano tras ano lles ofrecen aos nosos turistas, ese trato e ese cariño que fan que aposten por nós ano tras ano. Polo demais seguiremos traballando nesta liña e facendo oídos xordos a esas críticas envexosas que o único que fan é prexudicar ó noso concello”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
