Os próximos días 12 e 14 de setembro, terá lugar en Celeiro e Ribadeo, respectivamente, unhas xornadas e exercicios prácticos sobre como actuar ante posibles accidentes en buceo (en especial, os accidentes disbáricos).
O buceo deportivo é unha actividade que nos últimos anos ten unha maior presenza na Costa da Mariña de Lugo, por todo iso, o Centro de Actividades Subacuáticas Costa Lugo (Escola de buceo) situado no RCN de Ribadeo, organizou conxuntamente coa Delegación de Pesca de Celeiro (Garda Costas de Galicia, Pesca II), Capitanía Marítima de Burela (Centro de Salvamento Marítimo), Garda Civil do Mar, 112 SOS-Galicia (Central de urxencias 112 e GES Cervo) e 061 unha xornada teórico práctica o día 12 de setembro, no salón de actos da Delegación de Pesca, sobre Accidentes Disbáricos, destinada a Costa Lugo e persoal do servizo de urxencias do GES de Cervo, abordarán os protocolos de actuación ante os mesmos, do mesmo xeito que o uso neste tipo de accidentes da osixenoterapia, SVB-DESA, traslado en medios terrestres, acuáticos e aéreos, na que os participantes realizarán exercicios prácticos e actualizacións de protocolos.
O día 14 de setembro, terá lugar nas inmediacións de Illa Pancha en Ribadeo, o primeiro simulacro destas características que se celebra en Galicia, no que un grupo de 10 buceadores pertencentes ao CAS Costa de Lugo, simularán varios accidentes relacionados con esta actividade, que serán informados ao centro de urxencias 112, que activará aos distintos servizos de urxencia, que terán coñecemento do mesmo, en tempo real, e deberán actuar en función dos seus propios protocolos, e en coordinación co resto de intervintes.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
