Cervo, 24 de setembro de 2014- O Concello de Cervo deu hoxe a coñecer as actividades incluídas nos Pasatempos de Outono para os meses de outubro, novembro e decembro, que este ano chegan cargados de programas consolidados para todos os públicos.
Para nenos e nenas comeza a nova tempada da Ocioteca, que se desenvolverá na Casa do Mar todos os sábados ao longo do curso escolar (infantil de 11 a 12:30; primaria de 12:30 a 14 h.) e na que os asistentes realizan actividades diferentes en cada xornada, mantendo algunhas con moito seguimento como as prácticas de cociña. Comeza o 11 de outubro. Outro programa de continuidade é o Taller de Teatro do grupo municipal “Pimpim”, no que participaran na anterior edición uns 30 nenos. Arrinca o 10 de outubro.
Os Enredos de Nadal son outro exemplo de programa consolidado no que se ofrecen actividades lúdicas e de aprendizaxe. En canto aos eventos puntuais, pódese destacar a Festa Infantil de Samaín (1 de novembro), o concurso de postais de Nadal ou o Belén de plastilina, no que os nenos poderán elaborar as figuriñas do belén neste material.
Para a xuventude cabe resaltar os Encontros Abertos de Música para Mozos, que se manteñen no tempo. Trátase dunha xuntanza para rapaces e rapazas con intereses e inquietudes na música que se reúnen para compartir a súa creatividade. Comeza o 11 de outubro na Casa do Mar.
En canto ao público en xeral, pode participar nas recreacións do programa Un, dous, tres. Neste outono haberá dúas ocasións para revivir este clásico, o primeiro o 3 de outubro coincidindo coa celebración do Día da Ancianidade, e despois a finais do ano o Un, dous, tres…Inocente (28 de decembro).
Tamén se retoma a actividade Lembrando contos de onte, na que os asistentes se converten en protagonistas ao compartir as súas vivencias e experiencias de tempos pasados. Outra cita habitual nesta época é a III Larpeirada de ourizo de outono, un concurso de sobremesas elaboradas con castaña seguido dun magosto popular. Tamén continúan os Talleres de decoración de Nadal nas parroquias.
Novidades
Os Pasatempos de Outono inclúen unha importante novidade como é a primeira representación teatral que ofrecerán os mozos e mozas que participan no programa de bolsas formativas do Concello (15 de novembro, 20 h. Casa da Cultura). Outra estrea é a cita que ten programada a Asociación Cabaleiros do Xunco, coa colaboración do Concello. Trátase de exhibicións de monta western e doma natural así como probas de andadura (11 de outubro durante todo o día no polígono de Cuíña).
Ao mesmo tempo, os Pasatempos de Outono 2014 inclúen actividades de concienciación polo día contra o cancro de mama ou a violencia de xénero. Ademais, hai programadas numerosas actuacións de teatro, danza ou exposicións (os gravados de Axel R. Okelmann e as Cousas de Xan Xe en outubro e as fotografías de Fabián Reino en decembro).
PASATEMPOS DE OUTONO 2014
MANUALIDADES
Outubro, novembro e decembro
De 19 a 21 h. na escola de Castelo
Os luns pintura e os mércores macramé
As Espalladoras/Concello de Cervo
XIMNASIA
Todo o mes de outubro de 18 a 19 h.
Os martes no pavillón de San Román e os xoves na escola de Rúa
As Espalladoras/Concello de Cervo
EXPOSICIÓN DE GRAVADOS DE AXEL R. OKELMANN E COUSAS DE XAN XE
Inauguración o 4 de outubro ás 19 h.
Sala de exposicións da Casa da Cultura
Horario de apertura: luns a venres de 9 a 13:30 e de 17 a 20 h.
Ata o 28 de outubro
UN, DOUS TRES…DÍA DA ANCIANIDADE
3 de outubro ás 20h.
Auditorio da Casa da Cultura
SEMINARIO “SAN CIPRIÁN, PORTO DAS REAIS FÁBRICAS DE SARGADELOS”
4 de outubro ás 12:30 h.
Auditorio da Casa da Cultura
Aventados/Concello de Cervo
TALLER DE TEATRO “GRUPO PIMPIM”
10, 17, 24 e 31 de outubro
7, 14 e 21 de novembro
5, 12 e 19 de decembro
Casa da Cultura
O horario dependerá do número de inscritos
OCIOTECA
11, 18 e 25 de outubro
8, 15, 22 e 29 de novembro
13 e 20 de decembro
Infantil de 11 a 12:30
Primaria: de 12:30 a 14
SEMINARIO “SAN CIPRIÁN SÉCULO XX. PESCA E TURISMO”
11 de outubro ás 12:30 h.
Auditorio da Casa da Cultura
Aventados/Concello de Cervo
EXHIBICIÓN E PROBA DE EQUITACIÓN
11 de outubro
Exhibicións de reining (monta western) e doma natural. Proba de andadura para trotóns e cruzados
Polígono de Cuíña
Cabaleiros do Xunco/Concello de Cervo
ENCONTRO ABERTO DE MÚSICA PARA MOZOS
11 e 25 de outubro
8 e 29 de novembro
13, 20, 21, 22, 23 e 26 de decembro
De 20 a 22 h. na Casa do Mar
RECITAL GRUPO “NOVA POESÍA”
19 de outubro ás 20h.
Auditorio da Casa da Cultura
Recital no Día Internacional contra o Cancro de Mama
DÍA DA BIBLIOTECA
24 de outubro
Actividades de promoción da biblioteca pública
TEATRO “O BARCO SEN MARIÑEIRO”
25 de outubro ás 19:30 h.
Auditorio da Casa da Cultura
Compañía “Achádego teatro”. Ciclo Buxiganga
FESTAS DO PAI
31 de outubro Samaín
21 de novembro Magosto
19 de decembro Festa de Nadal
Todas ás 17:30 h.
Para o alumnado do PAI
FESTA INFANTIL DE SAMAÍN
1 de novembro ás 18 h.
Casa do Mar
CINE INFANTIL DE MEDO
2 de novembro ás 18 h.
Ecomuseo
PUBLICACIÓN DAS BASES DO CONCURSO “CARTA AO MALTRATADOR”
3 de novembro
Bases dispoñibles na Casa da Cultura e na Casa do Concello
ACTUACIÓN DE VAPOR DE ARTE
8 de novembro ás 20 h.
Auditorio da Casa da Cultura
Aventados/Concello de Cervo
CONCURSO DE POSTAIS DE NADAL
10 de novembro publicación das bases
Entrega de traballos na Casa da Cultura e na Casa do Concello
TEATRO CONTRA A VIOLENCIA DE XÉNERO
15 de novembro ás 20 h.
Auditorio da Casa da Cultura
Representada polos mozos e mozas do programa de bolsas formativas do Concello
RECORDANDO CONTOS DE ONTE
17 de novembro ás 18 h. no Ecomuseo
20 de novembro ás 18 h. na Casa da Cultura
MAGOSTO POPULAR E III LARPEIRADA DE OURIZO DE OUTONO
22 de novembro ás 18 h.
Casa da Cultura e Prazoleta
Bases dispoñibles a partir do día 12 de novembro na Casa da Cultura e na Casa do Concello
TEATRO “OS APARECIDOS”
22 de novembro ás 20 h.
Auditorio da Casa da Cultura
Actuación de Teatro Lucho Hospital Xeral-Calde de Lugo
Ciclo Buxiganga
DÍA INFANTIL
23 de novembro 11:30 h.
Casa do Mar
Actividades relacionadas coa natureza e o mundo animal
DÍA CONTRA A VIOLENCIA DE XÉNERO
25 de novembro ás 19 h.
Casa da Cultura
PURO TEATRO
28 de novembro
Auditorio da Casa da Cultura
18 h. Actuación do grupo de teatro “Fundación Eu Son”
19 h. Representación da obra de Teatro do Outono do grupo municipal “Pimpim”
ACTUACIÓN MEMORIAS DO ANXO
29 de novembro ás 20 h.
Auditorio da Casa da Cultura
Teatro, danza e piano
Aventados/Concello de Cervo
BELÉN DE PLASTILINA
30 de novembro
11:30 h. na Casa do Concello
17 h. na Casa da Cultura
TALLER DE DECORACIÓN DE NADAL
1 de decembro ás 12:30 h. no local social de Terramar na Casa do Mar
2 de decembro ás 11 h. no Ecomuseo
3 de decembro ás 11 h. nas escolas de San Román
4 de decembro ás 11 h. na escola de Castelo
5 de decembro ás 11 h. na escola de Rúa
EXPOSICIÓN DE FOTOGRAFÍAS DE FABIÁN REINO
Do 5 ao 26 de decembro
Na sala de exposicións da Casa da Cultura
De luns a venres de 9 a 13:30 e de 17 a 20 h.
TEATRO DE NADAL
19 de decembro ás 19 h.
Auditorio da Casa da Cultura
Representación da obra de teatro de Nadal do grupo municipal “Pimpim”
ENREDOS DE NADAL
22, 23 29 e 30 de decembro
Casa do mar
Infantil de 11 a 12:30
Primaria de 12:30 a 14 h.
CINE INFANTIL DE NADAL
26 de decembro ás 12:30 h.
Auditorio da Casa da Cultura
CERTAME DE PANXOLIÑAS DA CORAL TERRAMAR
27 de decembro ás 19 h.
Auditorio da Casa da Cultura
UN, DOUS, TRES…INOCENTE
28 de decembro ás 20 h.
Auditorio da Casa da Cultura
O Xebra! foi inaugurado en 2013 durante as festas patronais. Ano a ano, a axenda da asociación complementou cos seus concertos a programación dos días grandes da vila. Desta volta, o evento chega a unha cifra especial. Celebraranse os doce anos cun cartaz cunha pinchada colectiva das socias e os concertos do dúo punk Pladür e o DJ Signora Anido. A entrada do venres será de 2€ para socias e 3€ para non socias, mentres que a do sábado será de 8 e 10 euros, respectivamente. O local abrirá a partir das 22:30 horas.
O posto amosa as novidades editoriais como "Mudar en común: Galiza 1959-1982", un estudo sobre a transformación estrutural da sociedade rural galega da historiadora Alba Díaz Geada que se presentou pola mañá, ou "A escola de náutica e comercio de Ribadeo, de Antonio Prado Gómez, que se presentou pola tarde na Biblioteca Municipal, antiga sede da escola. Estes e outros títulos da editora institucional están a venda nas librarías da feira.
A iniciativa foi promovida polo propio colectivo. O director territorial da Consellería de Cultura, Lingua e Xuventude, Manuel Antonio Fernández, sumouse ao acto, no que lle trasladou o recoñecemento da Xunta ao artista sarriao, multiinstrumentista e luthier que destaca entre as principais figuras do panorama musical galego.
O Instituto de Estudos Chairegos, coa colaboración do Concello de Vilalba, dentro dos actos programados para este mes de maio, co gallo das Letras Galegas, organiza o venres 30 de maio de 2025, na Casa da Cultura, ás 20:00 horas, a presentación do libro “Comida para gatos e outras delicatessen indixestas”, do que é autora Luz Darriba, artista plástica e escritora. Presentará o acto Marisa Barreiro, presidenta do Iescha.
Será o sábado, 31 de maio ás 20 h. Participarán a Escola de Música O Pallarego de Mondoñedo e a Orquestra Clasica de Xove interpretando obras de Vivaldi.
Este trámite vai dirixido ás familias que presentaron a solicitude de praza durante o período de preinscrición, e deberá completarse de forma presencial nas instalacións da escola municipal. O prazo estará aberto ata o luns 2 de xuño. Lémbrase que a formalización da matrícula é imprescindible para confirmar a admisión do neno ou nena. Ademais, as familias que non solicitaran praza no seu momento poden achegarse ao Departamento de Servizos Sociais do Concello, onde poderán recoller o impreso correspondente.
O acto celebrarase o 30 de maio ás 21,30 horas na Leira San Antonio de Mondoñedo co seguinte programa: A Directiva da Peña recibirá ao Representante do Real Madrid, Tomás Roncero (redactor xefe no Diario AS), socios e seguidores cantarán o himno do club. A cea será ás 22 horas. A animación musical será a cargo do Dúo Zafiro”. Neste acto poden participar os soci@s da Peña e seareirxs brancxs e terán que ingresar 35€ en ABANCA de Mondoñedo ata o 26 de maio.
