A Deputada de Deseño e Artesanía, Regina Polín, avanzou este luns a nova programación de actividades dirixidas a adultos que o CENTRAD organiza para este outono e inverno. A Deputación ofrecerá 16 obradoiros de artesanía, que se desenvolverán ata o 23 de decembro nos pavillóns do CENTRAD, no Centro de Cestaría do Río Rato e nos Concellos de Lourenzá e Samos. Grazas a estes talleres, 137 persoas aprenderán e poderán familiarizarse coa tradición da cestaría, a luthería, o vimbio, a olería, a xoiería, o vidro, o escaparatismo, a fabricación de fofuchas e o tecido; ao tempo que coñecen a actividade do CENTRAD. No acto tamén estiveron presentes varios artesáns que serán os encargados de impartir ditos obradoiros.
Polín subliñou que “o Centro de Artesanía e Deseño organiza ano tras ano estes obradoiros, posto que se enmarca dentro da nosa aposta polo impulso dos oficios artesanais como sinais de identidade e atractivo da provincia que xera riqueza. Estas actividades contribúen ó noso obxectivo de achegar a tradición artesanal e a riqueza cultural da provincia a todos os lucenses e de pór en valor a artesanía típica luguesa. Apostamos pola nosa artesanía, pola de Lugo, para convertela nun dos sectores punteiros da provincia e en nicho de emprego co fin de xerar postos de traballo e fixar poboación no rural”.
A artesá Noela Feal Giménez imparte o curso que nestes momentos se está a desenvolver no pavillón 8 do CENTRAD, e que terá lugar ata o vindeiro 23 de outubro, de luns a venres, en horario de 16.00 a 20.30 horas. Os asistentes practicarán as técnicas do tecido tradicional a través dunha aprendizaxe nun tear de baixo lizo. Tamén está en marcha o curso de olería de Samos, impartido por Manuel Fernández. O Mosteiro de Samos acolle este obradoiro, que se desenvolverá ata o vindeiro 21 de novembro, de luns a venres en horario de 16.00 a 21.00 horas. O obxectivo do obradoiro é recuperar a olería que caracteriza a este municipio lugués.
Para continuar, luthería
O vindeiro luns 13 de outubro arrancará o segundo taller, “acabados históricos para luthería”, orientado para profesionais desta arte de facer instrumentos musicais de corda, vento ou percusión. José Catoira ensinaralles aos participantes como perfeccionar e mellorar os seus produtos, dende o 13 ata o 24 de outubro, de luns a venres, entre as 09.00 e as 14.00 horas, no obradoiro de instrumentos musicais do CENTRAD.
Durante o mes de outubro comezarán outros seis talleres: “Dá brillo ó teu vestiario con abelorios” (entre o 14 e o 31 de outubro); “Vidrio. Iniciación en contas de vidro” (dende o 16 ata o 31 de outubro); “Xoiería. Iniciación en técnicas de volume” (do 18 de outubro ao 23 de novembro; “Cestas Costelas” (entre o 20 e o 24 de outubro); “Iniciación á cestaría” (do 21 de outubro ao 23 de decembro; e “Cestería de Esparto”, dende o 27 de outubro ata o 7 de novembro.
A oferta da programación da Deputación para novembro e decembro complétase con outros 7 talleres. O Obradoiro de Cestería do Rato acollerá “Cestería con láminas de madeira” (do 17 ao 28 de novembro); “Cestería de Colmo” (do 1 ao 15 de decembro); e “Luminarias: estruturas de mimbre” (do 16 ao 19 de decembro). Os pavillóns do Centro de Artesanía e Deseño, pola súa parte, servirán de escenario para os talleres de “Xoiería. Deseña a túa xoia” (do 3 ao 19 de novembro); “Renova a túa roupa aprendendo” (do 3 ao 21 de novembro); “Técnica para a fabricación de fofuchas” (do 17 ao 26 de novembro); e “Escaparatismo. Técnicas e recursos para o seu deseño” (do 17 ao 28 de novembro).
Inscrición
O prazo de solicitude remata cinco días antes da data de comezo de cada obradoiro. As inscricións poderán realizarse mediante internet, na páxina web do CENTRAD: http://www.centrad.org/ Cada alumno poderá participar nun único curso por tempada, agás no caso de que resten prazas vacantes noutros cursos unha vez pechado o prazo de inscrición.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
