A realidade das cifras amosa, fronte as críticas interesadas dos partidos da oposición e colectivos afíns, que o Partido Popular si ten un compromiso firme e permanente coa mellora do Hospital da Costa, un compromiso en apoio do centro hospitalario público da Mariña lucense. Hai quen ten moito interese en negalo, pero os datos obxectivos permiten cifrar en máis de 2,2 millóns de euros o investimento da Xunta de Galicia en obras e novas dotacións tecnolóxicas nos últimos cinco anos, isto é, desde que o Alberto Núñez Feijóo é o noso presidente.
Só no 2014 as achegas do Goberno galego aproxímanse aos 600.000 euros, investidos en distintos servizos como son as obras para a posta en marcha da sala de quimioterapia –que permitirá dar tratamentos aos enfermos de cancro, sen necesidade de desprazarse– (242.408 euros), a segunda sala de endoscopias –que fixo posible a implantación da vía rápida para o cancro de colon– (211.686 euros), a reforma e modernización dos quirófanos –rematada este verano– (50.036 euros), a nova unidade de retina no servizo do oftalmoloxía (30.805 euros), a implantación do triaxe en urxencias (18.933 euros), a segunda consulta de rehabilitación (2.398 euros) ou a introdución de tecnoloxía laparoscópica en uroloxía (41.000 euros).
A estas cifras, que reflicten obras reais e comprobables e que teñen contribuído á mellora dos servizos ou o farán nun futuro próximo, hai que engadir outras moitas executadas baixo a presidencia de Alberto Núñez Feijóo como foron a reforma da área de maternidade (obras adxudicadas e rematadas por valor de 800.000 euros), a reforma da cuberta, rampla, zona de espera da resonancia e arquivo do hospital (na que se investiron 518.793 euros), a compra de novos ecógrafos (para cardioloxía, xinecoloxía e radioloxía por importe de 169.000 euros) e a renovación dos equipos de anestesia (cun custe de 200.000 euros). Moitas delas, por certo, actuacións, comprometidas polo bipartito pero que con PSOE e BNG non viron a luz, posto que o investimento do bipartito no hospital foi de cero euros.
O recente impulso do Plan Director, non é o único apoio que o Goberno galego vén prestando a este hospital, tal e como acabamos de demostrar, aínda que si probablemente o proxecto máis ambicioso de todos. Lonxe de ser un mero estudo de necesidades é a planificación técnica que determinará como e de que xeito vamos a acometer a obra de reforma integral do centro.
As cifras demostran que o Partido Popular si cre no Hospital deixando fóra de xogo, sen argumentos, a aqueles que pretenden e pretenderon meter o medo no corpo dos mariñáns, e alertar con algo tan serio como é a saúde, chegando a afirmar, incluso, que pecharíamos o centro. Todo o contrario. O Hospital mellora e mellorará máis aínda, e recibe obras, servizos e apoios, pensados para garantir un servizo próximo e de calidade para os miles de veciños desta comarca.
Partido Popular da Mariña lucense.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
