Cervo, 9 de outubro de 2014. O vicepresidente da Deputación de Lugo e responsable da Área de Benestar Social, o nacionalista Antonio Veiga, participa esta tarde na celebración do primeiro ano de funcionamento da residencia e centro ocupacional para persoas discapacitadas con enfermidade mental de Cervo. Esta infraestrutura tivo para a súa posta en funcionamento hai xusto agora un ano un investimento de 1.135.000 euros, dos que a Área de Benestar da Deputación aportou 300.000 euros a través dun convenio coa Asociación de Axuda ao Enfermo Mental da Mariña. Pola súa banda, a Consellería de Traballo e AGADER achegaron o diñeiro restante para a construción da infraestrutura, 835.000 euros.
Con este novo espazo creado en Cervo hai agora un ano víronse beneficiados os enfermos mentais da Mariña. O centro ten capacidade para 75 usuarios permanentes, o que supón un paso de xigante para a comarca no que a cubrir as necesidades de persoas con discapacidade mental se refire. O centro acolle ademais persoas procedentes doutros lugares de Galiza, que reciben unha atención integral.
Ademais dos beneficios que ofrece a estas persoas, coa construción desta residencia e centro ocupacional na Mariña, creáronse novos postos de traballo directos. Antonio Veiga dixo que “a aposta polos servizos sociais é tamén unha aposta polo emprego e a creación de postos de traballo, pois a atención ás persoas maiores, ás persoas con discapacidade ou ás persoas dependentes, ademais dun dereito social básico para esas persoas e as súas familias, pode ser un foco importante de creación de emprego, fundamental nunha época de crise coma esta na que outros sectores están estancados”, defendeu.
“Nin un paso atrás en materia de servizos sociais”
Coa colaboración da Deputación na construción desta residencia, queda demostrado, unha vez máis, o compromiso da Área de Benestar coa atención e a integración das persoas, neste caso concreto coas persoas con algún tipo de discapacidade, “en contraposición aos recortes en materia social que está a facer a Xunta de Galiza, que están incidindo de xeito directo en abrir a fenda da exclusión xusto no seo dos colectivos que máis necesitan a axuda en tempos de crise, polo que é inhumano que a Xunta de Galiza utilice a crise como coartada para levar a cabo políticas que aumentan as desigualdades na sociedade”, sinalou Antonio Veiga.
Veiga ademais lembrou que “todas as asociacións e colectivos que traballan a prol do benestar das persoas na nosa provincia contan co noso apoio mentres ven como noutras administracións lles pechan as portas, porque a nosa aposta é firme a prol dos dereitos sociais das persoas”. Veiga foi rotundo e afirmou que “desde as administracións non podemos permitir que se dea nin un só paso atrás en benestar e no que ten a ver coa saúde”.
Ademais da celebración do primeiro ano de funcionamento da residencia, a festa de aniversario incluíu a presentación do novo número da revista Agarimo, confeccionada por enfermos mentais da comarca, e a representación dunha peza teatral.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
