Vitoria para Arturo Vigo que bate novo récord da Liga de Bolos de Xove

Primeira victoria de Arturo Vigo na Liga Sénior Masculina en dura pugna con Sócrates Campo durante a segunda tirada da XXVIª Liga de Bolos de Xove. Arturo ademais superou o récord de puntuación, que el mismo tiña dende o 20 de outubro de 2012 con 341 puntos realizados no Centro Social de Monte, cun tanteo de 343 tantos. José Rafael segue líder, agora con 19 puntos, seguido de Sócrates con 18.

Liga Senior Feminina
A pesares de non gañar, Salomé Cardoso mantén o liderato grazas ó seu segundo posto na tirada. Gañou a tirada a vixente campioa Belén Rodríguez que se foi aos 170 tantos, un máis que Salomé. Podemos falar dunha tarde moi igualada nesta categoría, que puido ser fácilmente gañada por Dolores Baño con dúas primeiras boladas primorosas, pero que fallou estrepitosamente nas dúas últimas. Acompañando a Belén no segundo posto da táboa temos a Carmen Roca, dobre gañadora desta Liga e xa perfectamente recuperada polo que non nos cabe a menor dúbida que vai ser unha das principais favoritas a gañar esta edición despois de acadar un Subcampionato de España, aínda que noutra modalidade de bolos.

Liga Sub 16
Despois de non puntuar na primeira tirada celebrada a pasada semana en Lago, tivemos a un Miguel López enrabietado que sabía que non podía deixar máis puntos ós seus rivais. A victoria de Miguel, xunto coa mellor bolada, fai que recorte distancia co líder, que continúa sendo Daniel López con 11 puntos, grazas ao seu segundo posto na tirada. Agás que teñamos algunha importante incorporación nesta categoría, está claro que Miguel e Daniel vanse xogar os dous primeiros postos na Liga. Un escalón por debaixo temos outros xogadores/as como Lara Rodríguez, Julia López, Hugo Pérez, etc.

A vindeira tirada vai ter lugar no CENTRO SOCIAL DE MONTE, O VINDEIRO SÁBADO, 18 DE OUTUBRO DE 2014.