A cidade de Mondoñedo (Lugo) acollerá o IX Foro por un Mundo Rural Vivo baixo o lema “Bens comúns, loitas e resistencias para a defensa dos nosos territorios. Alicerzando a proposta labrega coa mocidade nas nosas agras” durante os días 24, 25 e 26 de outubro de 2014. Convocado pola Plataforma Rural, nesta ocasión o Sindicato Labrego Galego oficiará como organización anfitrioa e coorganizadora do evento.
Para seguir fortalecendo o noso movemento pola soberanía alimentaria, as xentes e organizacións que traballamos en favor dun mundo rural vivo agasallámonos con tempo, espazo de encontro e convivencia para algo tan importante como ilustrar o debate e a reflexión. Este foro vainos permitir abordar novos e importantes desafíos. Entre eles, queremos destacar o papel das mobilizacións que, en tantos pobos, están a levarse a cabo para protexer a nosa soberanía na xestión e control dos bens comúns. Só así poderemos manter as nosas agriculturas locais, esas que manteñen vivos ecosistemas e territorios ao tempo que alimentan ao mundo.
Será tamén un bo intre para abordar dous temas centrais nas nosas paisaxes humanas: por unha banda, para visibilizar e coñecer as achegas dos feminismos na tarefa de facer terra labrega, xerme de homes e mulleres en igualdade; e, por outra banda, un marco onde fortalecer a presenza de xente moza nas nosas aldeas con vocación labrega, esa desexada re-volta ao campo cargada de forza, valores e ilusión.
Dende o Sindicato Labrego Galego animámoste a participar no IX Foro por un Mundo Rural Vivo. Trátase dun acontecemento que se celebra cada dous anos e no que se dan cita un importante número de persoas e organizacións implicadas na loita polo mundo rural e a soberanía alimentaria. Ademais, neste 2014 temos o privilexio de acollelo na Galiza. En palabras do noso coordinador na Mariña, Antón Villarino “será un evento enriquecedor e formativo que favorecerá o contacto, o traballo e a convivencia con xentes que, desde outras latitudes (xeográficas, metodolóxicas, ideolóxicas…), están a apostar por proxectos que procuran obxectivos semellantes aos que defende o Sindicato Labrego Galego”.
Máis información e programa en: http://www.plataformarural.org/index.php?option=com_content&view=article&id=206&Itemid=208.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
