RIBADEO (FNC) .- O concelleiro de Medio Ambiente, Horacio Cupeiro, anunciou que estes días dous tractores están desbrozando as estradas das parroquias ribadenses dependentes do Concello e tamén algunhas pertencentes á Deputación.
O edil nacionalista explicou que “estes días os veciños do rural observarán que temos dous tractores desbrozando polas estradas do noso concello e polas pistas de concentración parcelaria. Temos un tractor traballando polas parroquias da costa, que é o tractor do Concello, e temos outro, polas parroquias do interior, que estes días estivo por Vilamariz e agora vai para Couxela. Ao mellor os veciños das parroquias do interior se poden encontrar con que as cunetas non quedan o suficientemente desbrozadas. O motivo é que non se poden taluzar. O que realmente queremos de momento é que os coches poidan circular sen que haxa silvas nin toxos á beira da estrada. Agora, o que facemos é darlles unha pasada ou duas, e despois co noso tractor iremos no inverno a taluzar e deixalas como deben de quedar”.
Cupeiro sinalou que “o tractor que temos no interior, hai dez días estivo facendo as estradas da Deputación, grazas a un convenio asinado entre a institución provincial e o Concello de Ribadeo. Tamén asinamos outro convenio con Medio Rural para participar na loita contra os incendios, mediante o que estamos facendo a limpeza doutros 180 kilómetros de cunetas. Ademais diso, tamén solicitamos un incremento de 20 hectáreas, que son 40 km máis de limpeza, que xa foi aceptado, o que incrementará o que xa tiñamos concertado con Medio Rural”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
