Ribadeo, 21 de outubro de 2014.- Ata o 30 de outubro está aberto o prazo de inscrición para participar no XII Mercado de Nadal, que se celebrará en Ribadeo do 5 ao 8 de decembro. O evento está organizado pola Concellaría de Desenvolvemento Local e Turismo e patrocinado pola Vicepresidencia da Deputación de Lugo, a través da Área de Cultura e Turismo.
Ana Martínez explica que “con este mercado o Concello busca animar as rúas e comercios de Ribadeo nunha ponte na que son moitos os visitantes que se animan a achegarse a Ribadeo”.
A concelleira de Desenvolvemento Local e Turismo subliña que “o Mercado de Nadal tamén quere ser un espazo de oportunidades para os profesionais relacionados coa artesanía e o deseño, onde se visibilize o traballo creativo e innovador de artistas e artesáns”.
A edil nacionalista indica que “nesta edición queremos dar un pulo a novos creadores e novos emprendementos no eido da artesanía e da creatividade, especialmente nun momento no que o feito a man está en auxe e supón para algunhas persoas cada día máis unha maneira de gañarse a vida”.
As persoas interesadas en participar no Mercado de Nadal de Ribadeo poden inscribirse e presentar a documentación esixida no rexistro do Concello ata o vindeiro 30 de outubro. As bases atópanse colgadas na páxina web: www.ribadeo.org
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
