Tódolos fogares galegos terán que sintonizar os seus televisores este domingo

A Coruña, 24 de outubro de 2014. Este domingo, 26 de outubro, as canles de televisión en toda España que tiñan que migrar debido á liberación do Dividendo Dixital empezarán a emitir nas súas novas frecuencias. Por iso, todos os cidadáns terán que sintonizar o seu televisor a través do seu mando para atopar as novas ubicaciones e non deixar de ver ningunha canle.

O cambio de ubicación das canles da TDT producirase entre as 2 e as 6 da mañá do domingo. Así, coincidindo co cambio de hora pola chegada do horario de inverno, ademais de atrasar os seus reloxos, os cidadáns terán que sintonizar os seus televisores a través do menú do seu mando para atopar as novas canles.

O proceso non ten ningún custo porque se trata de realizar unha procura de canles similar á que tiveron que facer a primeira vez que acenderon o televisor para ver a programación da TDT. A cidadanía pode consultar a Guía de axuda á sintonización que hai dispoñible en www.televisiondigital.es.

Adaptacións necesarias nos fogares galegos
Ademais de sintonizar os televisores, é necesario que as Comunidades de Propietarios galegas, de tamaño mediano ou grande, con instalacións de antenas colectivas contacten canto antes, si non o fixeron xa, cun instalador rexistrado. Trátase de edificios con instalacións baseadas en sistemas de centralita programable ou amplificador monocanal. Este tipo de edificios de vivendas son os que teñen que realizar unha actuación adicional para non perder a oferta actual de canles de TDT cando, antes do 1 xaneiro de 2015, déixese de emitir nas frecuencias que han de quedar libres para o despregue da tecnoloxía 4G.

En Galicia, estímase que son uns 61.000 edificios os que están equipados con este tipo de sistemas monocanales ou centralitas programables. Todos eles deberán realizar as adaptacións dos seus sistemas de antena colectiva canto antes. Durante un período de tempo, algunhas cadeas de televisión van emitir en simulcast, é dicir, van emitir tanto na súa antiga como na súa nova frecuencia para minimizar o impacto nos cidadáns ata que realicen a adaptación.

Hai que sinalar tamén, que non todos os cidadáns vanse a ver afectados por este proceso. Un 55%, a poboación restante, só será necesario que sintonice o seu televisor este próximo domingo e cuxas vivendas -unifamiliares ou en edificios de menor tamaño- están dotadas con antena individual que dispón de sistemas con amplificadores de banda ancha capaces de recibir todas as canles de televisión.

Para que os cidadáns estean o máis informados posible envióuselles un documento explicativo do proceso a todos os Alcaldes, que lles chegará de forma electrónica a través da FEMP. Tamén se enviará por correo postal aos máis de 8.000 municipios un pack informativo con folletos para os cidadáns, unha ficha técnica explicativa dos cambios no seu municipio.

Plan de Axudas para a adaptación de instalacións de antena colectiva
Para subvencionar estas adaptacións, o Goberno puxo en marcha un Plan de Axudas, de cuxo importe total 280 millóns de euros en torno a 19 irán destinados ás Comunidades de Propietarios galegas. Esta adaptación de instalacións afecta a un millón douscentos mil galegos.

Estas axudas, que deberán solicitarse unha vez realizados os traballos, están destinadas ás Comunidades de Propietarios dun edificio ou conxunto de edificios de vivendas, suxeito ao réxime de propiedade horizontal, e que teñan instalado un sistema de antena colectiva baseado en amplificadores monocanal ou nunha centralita programable.

É imprescindible que o instalador que realice a adaptación sexa un instalador rexistrado. Pódese acceder ao listado das máis de 11.000 empresas instaladoras rexistradas en España a través da páxina web www.televisiondigital.es, onde tamén, cada Comunidade de Propietarios e, dependendo da provincia en que estea situada, poderá consultar o número de múltiples dixitais que ten que cambiar para adaptar as súas instalacións, así como a situación do simulcast en cada unha das zonas.

Recoméndase que a Comunidade de Propietarios solicite dous ou tres presupostos canto antes a diferentes instaladores rexistrados co obxecto de conseguir o mellor prezo para a adaptación. As axudas cubrirán únicamente as actuacións derivadas da adaptación ao proceso de liberación do Dividendo Dixital, incluíndo as realizadas desde xuño de 2014, e comezarán a cobrarse a partir do 1 de xaneiro de 2015.

Unha vez realizados e finalizados os traballos, o instalador deberá entregar á Comunidade o correspondente boletín de instalación que detalle o equipamento existente no edificio e os traballos realizados con motivo da adaptación á liberación do Dividendo Dixital, así como a factura co detalle dos traballos. É importante dispoñer desta documentación en formato electrónico (jpg ou pdf) para poder presentala a través de internet.

Esta documentación, xunto a un documento que acredite a titularidade da conta onde a Comunidade de Propietarios recibirá o ingreso, é a que se deberá aportar a través da plataforma online que se poñerá a disposición dos cidadáns para solicitar as axudas. As comunidades de propietarios deberán dispoñer de NIF (código H-).

A contía máxima destas axudas oscila entre os 100 euros para as actuacións en centralitas programables e entre 150 e 550 euros no caso de actuación sobre amplificadores monocanal, segundo o equipamento adicional que se ten que instalar: 1 amplificador: 150 euros; 2 amplificadores: 250 euros 3 amplificadores: 350 euros; 4 amplificadores: 450 euros; e 5 amplificadores: 550 euros.

Na páxina www.televisiondigital.es pódese consultar o número de múltiples digitais que cambian en cada provincia e o que marca o límite máximo da axuda.

Sobre o proceso de liberación do Dividendo Dixital
O proceso realízase por un mandato europeo que especifica que o 1 de xaneiro de 2015 ten que estar dispoñible para a telefonía móbil 4G o Dividendo Dixital. A chegada da telefonía móbil de alta velocidade 4G terá un impacto moi favorable sobre a economía española, estimado en máis de 12.000 millóns de euros nos próximos anos, o que equivale a ao redor do 1% do PIB. Coa liberación do Dividendo Dixital se fomenta ademais a expansión da alta definición na TDT, e garántese a continuidade na difusión da oferta actual de canles de televisión para a poboación.