Daniel Alonso mostra dominio na Liga de Bolos de Xove Sub 16

Debido a que o campo do Cruceiro non se atopaba apto para celebración desta tirada, tivémonos que desprazar ata o campo do Centro Social de Sumoas, onde finalmente realizamos as tiradas. Para segunda volta, concretamente para o 31 de xaneiro do vindeiro ano contamos con que o campo do C. Social do Cruceiro se atope en perfectas condicións.

Liga Sénior Masculina
Pincharon os dous líderes xa que só puideron ser 9º e 10º na tirada, o que posibilitaou que o grupo de cabeza se apretase. Líder, unha semana máis, Rafael con 40 puntos e que perde parte da ventaxa que levaba; segundo, a costa de Moisés, temos a Francisco Pérez con 32 puntos grazas aos 10 puntos acadados nesta tirada. Terceiro Moisés con 30, cuarto Sócrates con 27, etc. Ninguén que destaque polo momento, e os favoritos están por non deixar escapar a ninguén. Como dato, os tres primeiros actualmente na clasificación puntuaron nas 5 tiradas celebradas ata o momento.

Liga Sénior Feminina
Excelente xornada de Salomé Cardoso, quen logrou cortar a racha de Carmen que quedou relegada ata o 4º posto na tirada. Tamén a actual campiona (Belén Meitín) estivo atenta e o 2º posto obtido permítelle recortar diferenzas co liderato.

Despois de 5 campionatos celebrados, podemos distinguir un trío de cabeza -formado por Carmen, Salomé e Belén- que ata o momento é moi superior ao resto, e de seguir así as cousas está claro que van ser as principais favoritas ao podio final.

Liga Sub 16
Vitoria -4ª de 5 tiradas celebradas- de Daniel Alonso, o cal está xogando a un nivel altísimo para súa idade. Alto, forte, a verdade é que nos está a sorprender semana a semana; se continúa con esta progresión, non nos cabe dúbida de que imos estar diante dun gran xogador de futuro. Algo que observamos en Daniel é a súa fortaleza mental, o que lle permite manter unha gran regularidade. Precisamente, o outro gran xogador desta categoría Miguel López, non está a mostrar todo o talento que atesora, mostrándose moi irregular, alternando boas e malas actuacións; debe recuperar fortaleza mental se quer seguir o rastro de Daniel, quen, hoxe por hoxe, exerce un dominio incontestable na categoría.

A vindeira tirada deberíase celebrar no campo do Centro Social de A VARA, ESTE SÁBADO, 8 DE OUTUBRO DE 2014.