Cervo, 5 de novembro de 2014. De confirmarse sancións económicas ao concello, o BNG reclamará responsabilidades políticas nunha actuación que a propia Delegación Provincial de Cultura xa “declarou ilegal” o pasado mes marzo nunha resolución remitida ao concello e á Dirección Xeral do Patrimonio que ademais informaba da “proposta de apertura dun expediente sancionador” que agora “continúa de forma definitiva coa apertura dun procedemento sancionador por falta grave que inclúe sancións económicas que van desde os 60.000 aos 150.000 euros”, pendente das alegacións que poda presentar o concello. Lembran que a desfeita provocada no Conxunto Histórico de Sargadelos, declarado Ben de Interese Cultural en 1972, xa fora denunciado polo BNG no mes de febreiro pasado.
NO CASO DE CONFIRMARSE SANCIÓN ECONÓMICAS AO CONCELLO RECLAMARÁN RESPONSABILIDADES POLÍTICAS
O portavoz municipal nacionalista, Xoán Antón Estúa, avanzou que “no caso de confirmarse sancións económicas ao concello por falta grave contra o patrimonio cultural, fan responsábeis ao alcalde e á concelleira de Cultura, Begoña Alonso, aos que pedirán responsabilidades políticas”.
O CONCELLO TRATOU DE XUSTIFICAR ESTA ACTUACIÓN QUE CULTURA NON ADMITIU MANTENDO O EXPEDIENTE DE SANCIÓN ABERTO E EN CURSO ADMINISTRATIVO
Aseguran desde o BNG, coa documentación oficial na man, que o goberno local ademais de sobrepasar as autorizacións da Dirección Xeral do Patrimonio “coa tala 10 exemplares arbóreos cando so tiña permiso para dúas ou tres”, e provocar “nunha actuación neglixente e pouco coidadosa, a destrución de varios elementos patrimoniais no conxunto histórico de Sargadelos”.
Estúa ademais acusa ao alcalde de mentir nun informe remitido do 21 de febreiro á Delegación Provincial de Cultura sobre as actuacións realizadas “xa que nega movementos de terra que si existiron, mesmo coa utilización de maquinaria pesada que puido danar estruturas patrimoniais”. O portavoz nacionalista asegura que “nese informe remitido pola alcaldía xa se trataba de xustificar a actuación do goberno local, e non foi tido en conta” como se desprende da resposta o 11 de marzo onde se declaran non ilegais as actuacións e se emite proposta de expediente sancionador que agora seguen o seu curso.
ESTE GOBERNO PASARÁ Á HISTORIA POR PERMITIR A DESTRUCIÓN DE PARTE DO CASTRO DA ATALAIA E OUTROS DESTROZOS PATRIMONIAIS
Para o BNG o historial de neglixencias e desprezo ao patrimonio cultural do goberno municipal de Cervo é amplo e vergoñento. Desde o derrube dunha das edificacións do Conxunto Histórico de Sargadelos fai algúns anos que mesmo puido causar danos persoais, pasando pola destrución permitida en parte do Castro da Atalaia e agora noutra actuación promovida polo propio concello que ademais vai ter consecuencias económicas que pagará toda a veciñanza.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
