Burela, 14 de novembro de 2014. A Concellería de Cultura e Educación pon en marcha estes días co gallo das próximas festas de Nadal, dous certames destinados aos máis pequenos do municipio. Levaranse a cabo dous concursos, un artístico e outro literario, nos que poderán participar dende nen@s de educación infantil ata rapaces de 16 anos. Os traballos deberán ser entregados na Biblioteca Municipal de Burela, antes do 12 de decembro no caso do certame artístico dedicado ás postais de Nadal, e antes do 22 de decembro no caso do certame literario dedicado aos poemas sobre estas festas.
Dende a Concellería de Cultura e Educación informan que o primeiro certame estará dedicado á modalidade artística do deseño de postais de Nadal. Nel poderán participar os nen@s do concello en cinco categorías distintas: educación infantil ata 3 anos, e de 4 a 5 anos, 1º e 2º de Primaria, 3º e 4º de Primaria e 5º e 6º de Primaria. Neste certame estableceranse dous premios por categoría e os traballos deberán dirixirse á Biblioteca Pública antes do 12 de decembro. Os debuxos gañadores serán expostos ao público na Sala de Arte da Casa da Cultura durante as vacacións de Nadal.
No segundo certame, dedicado á poesía poderán participar tódolos rapaces que presenten poemas orixinais sobre o tema xenérico do Nadal. Neste concurso estableceranse tres categorías: A (ata 8 anos), B (de 9 a 11 anos) e C (de 12 a 16 anos). O prazo de presentación dos poemas remata o 22 de decembro e os traballos deberán ser entregados polos seus propios autores na Biblioteca de Burela. Os textos gañadores nesta fase local serán enviados para concursas na fase provincial do certame convocado pola Biblioteca de Lugo.
Os interesados en participar nestes dous certames, poden recibir máis información achegándose á propia Biblioteca Pública Municipal de Burela.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
