O Consello da Xunta na súa reunión deste xoves deu o visto e prace ao Decreto polo que se aproba a delimitación definitiva do Camiño de Santiago do Norte, ruta da Costa, unha medida que garantirá unha mellor protección dos lugares, edificios e paraxes polos que discorre esta ruta histórica recoñecida na Lei 3/1996, de protección dos Camiños de Santiago.
O Decreto inclúe a inscrición da ruta da Costa no Catálogo do patrimonio cultural de Galicia coa categoría de territorio histórico; ao tempo que se notifica aos concellos afectados pola delimitación que deberán incorporar o seu trazado e o ámbito do seu territorio histórico aos seus planeamentos urbanísticos, así como a necesidade da autorización previa da Consellería de Cultura, Educación e Ordenación Universitaria para as intervencións que se realicen no devandito ámbito.
O Camiño de Santiago do Norte, ruta da Costa pasa polos concellos de Ribadeo, Barreiros, Trabada, Lourenzá, Mondoñedo, Abadín, Vilalba, Begonte, Guitiriz, Friol, Vilasantar, Sobrado, Boimorto, Arzúa e O Pino.
Ademais da ruta da Costa dentro do Camiño de Santiago do Norte, nos últimos catro anos o Goberno galego ten aprobado o trazado definitivo do Camiño Francés; o Camiño Inglés; e a ruta do Interior do Camiño de Santiago do Norte. Ademais, a Xunta aprobou e os tramos do Camiño de Santiago do Norte, Camiño Portugués, ruta da Prata e Camiño de Fisterra ao seu paso polo termo municipal de Santiago de Compostela. Deste xeito, a Consellería de Cultura e Educación reforza o seu compromiso de avanzar na posta en valor das rutas xacobeas.
Antecedentes históricos
Tal como reflicte a documentación histórica, a ruta da Costa mantivo unha especial vitalidade ata o século XVIII, xa que era a elixida por peregrinos que chegaban desde Francia, ou a través dos portos vascos e cántabros de países como Inglaterra, Flandes, Alemaña e Escandinavia, que seguían os trazados das rutas do Norte do Camiño de Santiago, especialmente vinculados ás peregrinacións tamén á Cámara Santa de Oviedo.
A delimitación da ruta que agora se aproba remóntase a estudios previos iniciados nos anos 90, completados con traballos documentais e de campo, etnográficos e antropolóxicos que permitiron elaborar unha proposta fundamentada e coherente cos principios de protección e conservación do patrimonio cultural. Esta proposta foi
sometida a informe do Pleno do Comité Asesor do Camiño de Santiago, que a aprobou por unanimidade en 2013.
Período de alegacións
Posteriormente pasou o trámite de exposición pública, período no cal se presentaron un total de 130 alegacións que os servizos técnicos da Dirección Xeral de Patrimonio Cultural analizaron nos seus aspectos culturais e normativos, e foron contestadas e notificadas de xeito individual. Froito deste proceso e a información e xustificación achegada polos interesados estimouse conveniente incorporar algunhas modificacións en determinados ámbitos, o que confirmou a utilidade do proceso de información pública.
As modificacións incorporadas afectaban aos termos municipais de Ribadeo, Mondoñedo, Abadín, Begonte e Boimorto. Non obstante, apenas supuxeron pequenas variacións tanto do trazado coma do seu territorio histórico, xa que se trataba de pequenos axustes de carácter local e puntual.
Polos micrófonos pasaron entre outras as concelleiras de Cultura e Turismo: Begoña Sanjurjo e Marta Saíz; o alcalde, Dani Vega; a pdta de Acisa, Carmen Cruzado; a dtra da Coral Polifónica de Ribadeo, Mari Carmen Rdez Cancelo; a pregoeira, María Xosé Porteiro ou Ángel Terry, membro do afamado grupo de son cubano, Estrellas de Buena Vista y más que serán os encargados de pechar o evento na xornada do domingo.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
María José Gómez, participou este sábado nos actos de celebración do XI Ribadeo Indiano.
Con este xesto, o Concello quere expresar o seu máis fondo pesar e trasladar toda a súa solidariedade e apoio ás familias das vítimas, ás persoas afectadas e a toda a veciñanza, compartindo a dor por esta inmensa traxedia.
No acto, desenvolvido no Teatro, interviñeron o alcalde, Dani Vega, e a presidenta de Acisa, Carmen Cruzado. O Coro Sagrado Corazón puxo a nota musical a esta primeira cita deste evento histórico cultural. A continuación foi a baixada ao peirao na compaña do enxebre cuarteto Illa Pancha e xa en Porcillán tivo lugar a chegada dos indianos a cargo do prestixioso Grupo de Teatro de Ribadeo. Gallaeia Small Band e Septeto To’ Mezclao amenizaron o peirao e o Campo de Francisco esta primeira xornada do Ribadeo Indiano 2026. O sábado e o domingo desenvolverase un intenso programa de actividades pensadas para todos os públicos.
Unha actividade marcada polo deporte, o compañeirismo e o bo ambiente. Na categoría Sub-12, os equipos gañadores foron Xove Fútbol Praia, Viveiro Celtic e Sanci FC; en Sub-15, Cachupa, Wachines e Encueradores; en Sub-17, Hamburguesas FC, EnlaDepor e Wachines; e na categoría Sénior, Hamburguesas, La Org e Motototo. As medallas foron entregadas pola alcaldesa de Cervo, Dolores García Caramés, quen felicitou os equipos e agradeceu a participación das persoas inscritas, das familias, do público e dos colaboradores, destacando que fixeron posible unhas noites de fútbol praia inesquecibles. A programación deportiva continuará a semana do 20 de xullo coa celebración do torneo de Fútbol 3x3.
O músico ofrecerá un repaso polos clásicos de Dire Straits, Eric Clapton, Pink Floyd, Lou Reed, Bruce Springsteen, Bob Dylan, Joaquín Sabina e moitos máis, nunha xornada dedicada á música e á historia do local. Esta será a primeira das actividades que se irán anunciando con motivo do 25 aniversario, cunha cita marcada para o 12 de xullo, no propio Rincón de Mondoñedo.
