A Deputación de Lugo publicou na súa web www.deputacionlugo.gal as primeiras listas de beneficiarios do Pacto Provincial polo Emprego II. Trátase dos participantes nas primeiras accións formativas que darán comezo o vindeiro día 9 de decembro: catro edicións –dúas na zona norte e dúas na zona sur- dos cursos Atención sociosanitaria a persoas no domicilio e Atención sociosanitaria a persoas dependentes en institucións sociais.
Estes son, pois, os primeiros 120 dos máis de 1.000 lucenses desempregados que se beneficiarán do Pacto provincial polo Emprego II. O interese xerado polo Pacto provincial polo Emprego II foi tal que, so nestes catro primeiros cursos, quedaron máis de 100 persoas en lista de espera.
Lugares, datas e horarios
As entidades encargadas de impartir estes primeiros cursos serán Cruz Roja, no caso dos de Atención a persoas dependendes en institucións, os cales se prolongarán ata finais de abril do vindeiro ano, e Norprevención nos de Atención a persoas no domicilio, que rematará no mes de xuño. Ambas entidades contan cun máis que recoñecido prestixio e ampla traxectoria e serán as súas sedes de Viveiro e Monforte de Lemos as que acollan a formación. Durante toda a formación específica estas empresas ofrecerán, ademais, titorías individuais sobre habilidades sociais como, por exemplo, o mellor xeito de presentarse a unha entrevista de traballo, redactar un bo currículum, poñer en marcha unha empresa, etc.
En canto aos horarios, estes serán de mañá e de tarde, de xeito que permitan ao maior número de persoas acceder a elas. O horario de mañá desenvolverase de 09.00 a 14.00 horas e o de tarde, de 16.00 a 21.00 horas.
Máis cursos
Xunto con estas que comezarán o vindeiro día 9 de decembro, a Mariña –zona norte- acollerá outras 15 accións formativas: outras 4 edicións de Atención socioanitaria a persoas no domicilio; outras 3 de Atención Sociosanitaria a persoas dependentes en institucións sociais; 1 de Técnico de Transporte Sanitario; 2 de Operacións básicas de cociña; 2 de Operacións básicas de restaurante e bar; 1 de Limpeza de superficies e mobiliario en edificios e locais e 2 de Asesoramento na función xerencial e o autoemprego.
Por outra banda, a zona sur luguesa acollerá outros 18 cursos: outras 4 edicións de Atención socioanitaria a persoas no domicilio; outras 4 de Atención Sociosanitaria a persoas dependentes en institucións sociais; 1 de Técnico de Transporte Sanitario; 2 de Operacións básicas de cociña; 1 de Operacións básicas de restaurante e bar; 2 de Limpeza de superficies e mobiliario en edificios e locais, e 4 de Asesoramento na función xerencial e o autoemprego.
Axuda económica
Os participantes recibirán durante todo o período formativo –teórico e práctico- unha axuda económica que non pode superar o 75% do IPREM (Índice Público de Renda de Efectos Múltiples) para este ano, é dicir, aproximadamente 400 euros. Esta axuda é compatible coa prestación por desemprego ou con outras axudas públicas con esta mesma finalidade, sempre e cando o conxunto das rendas percibidas non supere este 75% do IPREM.
En datas vindeiras publicaranse novas listas de beneficiarios de novas accións formativas, das que os interesados poderán atopar información detallada na web www.deputacionlugo.gal.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
