Lugo, 10 de decembro de 2014. O vicepresidente e responsábel de Benestar e Deporte da Deputación de Lugo, o nacionalista Antonio Veiga, participou esta mañá no Refectorio do Museo Provincial na presentación da xira que fará a compañía luguesa Teatro de Miolo pola provincia presentando a súa obra para público infantil ‘4 Tempos’. Xunto a Veiga, participaron no acto Iria Acevedo e Guillermo Cancelo, compoñentes da agrupación teatral.
“Desde Vicepresidencia, unha vez máis levamos teatro por toda a provincia. Neste caso dun xeito moi especial, ademais coincidindo en datas de Nadal, xa que é teatro dirixido aos máis pequenos da casa. Teatro do Miolo ofrecerá a súa peza teatral ‘4 Tempos’ en cinco funcións que se levarán a cabo en Cervantes, no Teatro de Ribadeo, na Casa da Cultura de Muimenta, na Casa da Cultura de Monforte e tamén terán representacións en Lugo”, explicou Antonio Veiga
Proposta teatral diferente
O vicepresidente provincial engadiu que “desde a Área de Benestar queremos convidar aos colectivos que traballan con cativos e cativas, e ao público en xeral, a asistir a estas funcións, pois consideramos que propostas artísticas como esta deben ser coñecidas e formar parte do lecer cotiá das nosas nenas e nenos, pois como ben din dende Teatro do Miolo, quen se educa apreciando manifestacións artísticas será unha persoa flexible, aberta, creativa, solidaria e viva. De aí a importancia desta proposta teatral totalmente diferente ás que se veñen ofrecendo dende Cultura e Vicepresidencia”, valorou Veiga.
O 23 de decembro, en Ribadeo
Esta pequena xira arrincará mañá no colexio de Cervantes, cunha función que da comezo ás 11.00 horas. A segunda etapa terá lugar en Lugo. A obra ‘4 Tempos’ será representada no Salón de Exposicións da Deputación o 18 de decembro. Contará con dous pases, un ás 17.30 horas e outro ás 18.30 horas. O 23 de decembro (17.30 horas) chegará ao Teatro de Ribadeo e o día 27 estará na Casa da Cultura de Muimenta, a partir das 17.30 horas. Pecharán a xira o 29 de decembro na Casa da Cultura de Monforte, cun pase que dará comezo ás seis da tarde. As funcións serán totalmente de balde.
A compoñente de Teatro do Miolo, Iria Acevedo explicou en que consiste a obra. “’4 Tempos é unha obra de teatro para bebés –de 0 a 6 anos-, que é unha viaxe poética polas distintas estacións do ano. Sucede todo no mesmo espazo, coas catro estacións, estimulando sobre todo os cinco sentidos dos pequenos. A música, o narrador emocional de toda a historia, está composta por Miguel Granero, e nós consideramos que educar aos pequenos dende que son realmente bebés é moi importante para que empecen a apreciar as distintas manifestacións artísticas. O público faise dende que somos nenos”, apuntou.
Gran acollida no Culturgal
Pola súa banda, o seu compañeiro Guillermo Cancelo destacou o gran éxito que colleitaron esta pasada fin de semana no Culturgal, onde representaron esta obra logo de que foran escollidas entre as propostas que presentou a Área de Cultura da Deputación a esta Feira das Industrias Culturais Galegas. “A verdade é que estamos encantados, porque acabamos de chegar do Culturgal en Pontevedra, onde tivemos unha acollida fantástica e mesmo fomos contratados polo Concello de Pontevedra in situ, logo de que viran o noso espectáculo, para participar na presentación da súa Semana do Libro. É un luxo porque, dalgunha maneira, é recoñecer o traballo que facemos en Lugo, onde o teatro profesional está saíndo fóra”, concluíu.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
